ବ୍ରହ୍ମପୁର (ସମୃଦ୍ଧ ଓଡ଼ିଶା) ଦିଗପହଣ୍ଡି ବିଧାନ ସଭା ଆସନରୁ ଗତ ନିର୍ଵାଚନରେ ଲଢ଼ି ପରାଜିତ ହୋଇଥିବା ବିଜେପି ନେତ୍ରୀ ତଥା ଜଣାଶୁଣା ଅଭିନେତ୍ରୀ ମ୍ୟାଡ଼ାମ ପିଙ୍କି ପ୍ରଧାନଙ୍କ ସିଧା ନଜର ମୂଖମନ୍ତ୍ରୀ ନବୀନ ପଟ୍ଟନାୟକଙ୍କ ଉପରେ ପଢିଛି । ନବୀନ ପଟ୍ଟନାୟକ ସରକାର ୫ ଟି ଯାହା ଚଲାଇଛନ୍ତି ତାହା ଏକ ପ୍ରହସନ ପାଲଟିଛି । ନବୀନ ସରକାରରେ କେବଳ ୩ ଏମର ରାଜୁତି ଚାଲିଛି ବୋଲି ପିଙ୍କି କହିଛନ୍ତି । ୩ ଏମ ର ଅର୍ଥ ବୁଝାଇ ସେ କହିଛନ୍ତି ଯେ, ମଦ, ମାଂସ ଓ ମାଫିଆ । ସେ କହିଛନ୍ତି ଯେ, ଏ ସରକାର ହେଉଛି ମହିଳା ବିରୋଧୀ ସରକାର । ଏହି ସରକାର ମୋ ସରକାର କହୁଛି, ମୋ ପରିବାର କଥା କହୁଛନ୍ତି, ମୋ ପୁଲିସ କହୁଛି, ସବୁ କିଛି ମୋର କହୁଛି । କିନ୍ତୁ ଯେତେବେଳେ ମହିଳାଙ୍କ କଥା ଆସୁଛି ସେତେବଳେ ସରକାରଙ୍କ ମୋ ଇଜତ୍ ବୋଲି କହୁନାହାନ୍ତି କାହିଁକି । ନାରୀ ସଶକ୍ତିକରଣ କଥା କହୁହାଯାଉଛି । ହେଲେ ଯାଜପୁର, କେନ୍ଦ୍ରାପଡ଼ାରେ କ’ଣ ଘଟିଲା ତାହା ଓଡ଼ିଶାବାସୀ ଜାଣୁଛନ୍ତି । ଏଠି ମହିଳାମାନେ ନ୍ୟାୟ ପାଉନାହାନ୍ତି ବୋଲି ସେ କହିଛନ୍ତି । ଯାଜପୁର ଜିଲ୍ଲା ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତର ପିଇଓ ସ୍ମିତାରାଣୀ ବିଶ୍ୱାଳଙ୍କ ମୃତ୍ୟୁ ଘଟଣାକୁ ନେଇ ରାସ୍ତାକୁ ଓହ୍ଲାଇଛି ବିଜେପି ମହିଳା ମୋର୍ଚ୍ଚା । ଆଜି ବିଜେପି ମହିଳା ମୋର୍ଚ୍ଚା ରାଜ୍ୟବ୍ୟାପୀ ସବୁ ଜିଲାର ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଛି । ସ୍ମିତାରାଣୀଙ୍କ ସନ୍ଦେହଜନକ ମୃତ୍ୟୁର ସିବିଆଇ ତଦନ୍ତ, ତାଙ୍କ ଚରିତ୍ର ପ୍ରତି ଆକ୍ଷେପ କରିଥିବା ଏସ୍ପିଙ୍କ ବହିଷ୍କାର, କ୍ଷମତା ଅପବ୍ୟବହାର କରିଥିବା ମହିଳା କମିଶନ ଅଧ୍ୟକ୍ଷାଙ୍କ ବହିଷ୍କାର ଦାବିରେ ବିଜେପି ଆନ୍ଦୋଳନକୁ ଓହ୍ଲାଇଛି । ଏହି ପରିପ୍ରେକ୍ଷୀରେ ବିଜେପି ନେତ୍ରୀ ପିଙ୍କି ପ୍ରଧାନଙ୍କ ନେତୃତ୍ୱରେ ବ୍ରହ୍ମପୁରରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋଚିଫ ନିମାଇଁ ଚରଣ ପଣ୍ଡା
