ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନା ଅନ୍ତର୍ଗତ ରାୟାଁରାମଚନ୍ଦ୍ରପୁର ପଂଚାୟତର ବାଘମାରୀ ଗ୍ରାମର ଗୀତାଞ୍ଜଳୀ କୁ ତାର ଶାଶୁ ଘର ଲୋକେ ନିର୍ଯ୍ୟାତନା ଦେଇ ମାରି ଦେଇଥିବା ଜଳେଶ୍ୱର ଥାନାରେ ଅଭିଯୋଗ ହୋଇଛି । ପ୍ରକାଶ ଥାଉକି ଆଜକୁ ୬ବର୍ଷ ତଳେ ଦେବକୁମାର ଗ୍ରାମର ନାରାୟଣ ରାଉତଙ୍କ କନ୍ୟା ଗୀତାଞ୍ଜଳୀକୁ ବାଘମାରି ଗ୍ରାମର ଦିବାକର ବିବାହ କରିଥିଲେ । ମାତ୍ର ବିବାହ ପରଠାରୁ ପାରିବାରିକ ସମସ୍ୟା ଲାଗି ରହିଥିବାରୁ ସ୍ୱାମୀ ଦିବାକର ଗୀତାଞ୍ଜଳୀକୁ ବାରମ୍ବାର ପିଟାମାରା କରୁଥିଲେ ବୋଲି ଗୀତାଞ୍ଜଳୀର ଜନ୍ମୀତ ପୁତ୍ର ପ୍ରକାଶ କରିଛି । ଗତକାଲି ସେହିଭଳି ନିର୍ଯ୍ୟାତନାର ଶୀକାର ଗୁରୁତର ହେବାରୁ ତାଙ୍କୁ ଜିକେଭଟ୍ଟର ହସ୍ପିଟାଲୁ ନିଆଯିବା ପରେ ଅବସ୍ଥା ସଂକଟାପନ୍ନ ଥିବାରୁ ଡାକ୍ତର ତାଙ୍କୁ ବାଲେଶ୍ୱର ମୁଖ୍ୟ ଡାକ୍ରଖାନାକୁ ପଠାଇ ଦେଇଥିଲେ । ମାତ୍ର ରାସ୍ତାରେ ଯାଉଥିବା ସମୟରେ ମୃତ୍ୟୁ ବରଣ କରିଥିଲେ । ଘରଲୋକେ ଗାଁ ନେଇ କାହାକୁ କିଛି ନ ଜଣାଇ ପୋଡି ଦେବାକୁ ଚେଷ୍ଟା କରୁଥିବା ବେଳେ ଗୀତାଞ୍ଜଳୀରା ବାପା ଜାଣିପାରି ଜଳେଶ୍ୱର ଥାନାରେ ୨/୨୦୧୯ମୂଳେ ଏକ ମାମଲା ରୁଜୁ କରିବା ପରେ ଜଳେଶ୍ୱର ପୋଲିସ୍ ଶବକୁ ଜବତ୍ କରି ବ୍ୟବଚ୍ଛେଦ କରାଇବା ପାଇଁ ବ୍ୟବସ୍ଥା କରିଥିଲେ ।
ରିପୋର୍ଟ : ଭୂପତି କୁମାର ପରିଡା