ଜଳେଶ୍ୱର (ସମୃଦ୍ଧ ଓଡିଶା) ଅଂଚଳମଣୀ, ବାଲିଆପାଳ କ୍ଷେପଣାସ୍ତ୍ର ଘାଟି ବିରୋଧି ପ୍ରତିଷ୍ଠାନା ସଭାପତି, ଜନଦରଦୀ ପୂର୍ବତନ ବିଧାୟକ ସ୍ୱର୍ଗତ ଗଦାଧର ଗିରିଙ୍କ ପ୍ରତୀମୂର୍ତ୍ତର ରାଇବଣିଆଠାରେ ପ୍ରତିଷ୍ଠା ହେବ ବୋଲି ଆଜି ସିଦ୍ଧାନ୍ତ ହୋଇଛି । ଗଦାଧର ଗିରି ପ୍ରତୀମୂର୍ତ୍ତର ସୁରକ୍ଷା କମିଟିର ସଭାପତି ପ୍ରଫେସର ସୁଧାଂଶୁ ସେଖର ପ୍ରଧାନ, ସଂପାଦକ ଡ. ଅଜିତ୍ କୁମାର ମହାନ୍ତି ଏଥିଲାଗି ରାଇବଣିଆ ଦୁର୍ଗ ସୁରକ୍ଷା ଓ ଆଂଚଳିକ ଉନ୍ନୟନ ସଂଗଠନର ସଦସ୍ୟମାନଙ୍କ ଗହଣରେ ସ୍ୱର୍ଗତ ଗିରିଙ୍କର ପ୍ରତିମୂର୍ତ୍ତୀ ନିର୍ମାଣ ସଂପର୍କରେ ପ୍ରକାଶ କରିଥିଲେ । ଶେଷରେ ସଂଗଠନର ସଭାପତି ପ୍ରଫୁଲ୍ଲ କୁମାର ସୁରଙ୍କ ପ୍ରତ୍ୟେକ୍ଷ ତତ୍ୱାବଧାନରେ ସେଠାରେ ପ୍ରତିଷ୍ଠାହେବା ସଂପର୍କରେ ସ୍ଥିର କରାଯାଇଛି । ପ୍ରକାଶଯୋଗ୍ୟ ସ୍ୱର୍ଗତ ଗିରିଙ୍କ ମୃତ୍ୟୁପରେ ଜଳେଶ୍ୱର, ବାଲିଆପାଳ (ଗୋଟିଏ ବିଧାନସଭା ଥିଲା)ର ୧୪ଟି ସ୍ଥାନରେ ୧୪ଟି ପ୍ରତୀମୂର୍ତ୍ତୀ ପ୍ରତିଷ୍ଠା ହୋଇଥିବା ପ୍ରଫେସର ପ୍ରଧାନ କହିଥିଲେ । ଏଥିପାଇଁ ଗଠିତ କମିଟି ବିଭିନ୍ନ ସ୍ଥାନରେ ସୁରକ୍ଷା ଯୋଗାଇଦେବା କାର୍ଯ୍ୟ ଅବ୍ୟାହତ ରହିଛି ବୋଲି କହିଥିଲେ ।
ରିପୋର୍ଟ : ଭୂପତି କୁମାର ପରିଡା
