ଜଳେଶ୍ୱର(ସମୃଦ୍ଧ ଓଡିଶା)ଜଳେଶ୍ୱର ଅଂଚଳର ବିଶିଷ୍ଟ ଶିକ୍ଷାବିତ୍ ତଥା ରାଜ୍ୟପାଳ ପୁରସ୍କାରପ୍ରାପ୍ତ ଶିକ୍ଷକ ସୁରେଶ ଚନ୍ଦ୍ର ରଣାଙ୍କର ୯୨ ବର୍ଷ ବୟସରେ ଜଳେଶ୍ୱର ସ୍ଥିତ ବାସଭବନରେ ଦିବା ଘ.୧୨.୩୦ମି. ସମୟରେ ପରଲୋକ ହୋଇଛି । ୧୯୫୨ ମସିହାରେ ନିଳଗିରିର କେସି ହାଇସ୍କୁଲ ଶିକ୍ଷକତା ଆରମ୍ଭ କରି ୩୪ ବର୍ଷ ପରେ ୧୯୮୬ ଅକେ୍ାଟବର ୩୧ରେ ଅବସର ନେଇଥିଲେ । ନୀଳଗିରି ପରେ କରଞ୍ଜିଆ ହାଇସ୍କୁଲ, ରାଇରଙ୍ଗପୁର ହାଇସ୍କୁଲ ଓ ବାରିପଦାର ଏମ.କେ.ସି ହାଇସ୍କୁଲରେ ଶିକ୍ଷକତା କାଳରେ ସେ ରାଜ୍ୟପାଳଙ୍କ ଠାରୁ ପୁରସ୍କୃତ ହୋଇଥିଲେ । ଦୀନକୃଷ୍ଣ ସ୍ମୃତି ପରିଷଦର ରାଜ୍ୟ ସ୍ତରୀୟ ଓ ବିଭିନ୍ନ ଅନୁଷ୍ଠାନ ପକ୍ଷରୁ ତାଙ୍କୁ ସମ୍ବର୍ଦ୍ଧିତ ଓ ପୁରସ୍କୃତ କରାଯାଇଥିଲା । ସେ ଜଳେଶ୍ୱର ଥାନା ଅନ୍ତର୍ଗତ ନାମ୍ପୋ ଗ୍ରାମର ବିଶିଷ୍ଟ ତଥା ରାଜ୍ୟପାଳ ପୁରସ୍କାରପ୍ରାପ୍ତ ବିଶିଷ୍ଟ ଗୁରୁ ଲାଲମୋହନ ରଣା ଓ ମୋଖଦା ରଣାଙ୍କ ଜ୍ୟେଷ୍ଠପୁତ୍ର ଥିଲେ । ଚାକିରୀରୁ ଅବସରପରେ ସେ ଜଳେଶ୍ୱରରେ ଅବସ୍ଥାନ କରି ଆସୁଥିଲେ । ତାଙ୍କ ଶିକ୍ଷକତା କାଳରେ ବହୁ ଛାତ୍ରଙ୍କୁ ଉଚ୍ଚ ଶିକ୍ଷିତ କରାଇବାରେ ସହାୟକ ହୋଇଥିଲେ ଯେଉଁମାନେ ଆଜି ବିଭିନ୍ନ ସ୍ଥାନରେ ଉଚ୍ଚ ପଦପଦବୀରେ ରହିଛନ୍ତି । ଗତ କିଛିଦିନ ଧରି ସେ ବାର୍ଦ୍ଧକ୍ୟ ରୋଗରେ ପିଡିତ ଥିଲେ । ଆଜି ମୁୃତ୍ୟୁ ସମୟରେ ତାଙ୍କ ଜ୍ୟେଷ୍ଠପୁତ୍ର ସାମ୍ବାଦିକ ସୁକୁମାର ରଣା ପୁତ୍ରବଧୁୁ ବିଜେଡି ର ରାଜ୍ୟ ମହିଳା ସଂପାଦିକା ଆରତୀ ଦାସ, କନିଷ୍ଠ ପୁତ୍ର ରୋଟାରିଆନ୍ ସୁବ୍ରତ ରଣା, ପୁତ୍ରବଧୁ ଇନର୍ହୁଇଲ୍ର ସଭାନେତ୍ରୀ ଜୟନ୍ତୀ କାମିଳା, ସ୍ତ୍ରୀ ସୁପ୍ରଭା ରଣା ଓ ନାତି ନାତୁଣୀମାନେ ଉପସ୍ଥିତ ଥିଲେ ।ତାଙ୍କ ମୃତ୍ୟ ପରେ ଦୀନକୃଷ୍ଣ ସ୍ମୃତିପରିଷଦର ପ୍ରତିଷ୍ଠାତା ସଂପାଦିକା ବିପିନ ବିହାରି ବିଶ୍ବାଳ, ଦିଗମ୍ବରୀଦେବୀ ଗ୍ରୁପ ଅଫ ଇନିଷ୍ଟିଚ୍ୟୁଟ୍ର ପ୍ରତିଷ୍ଠାତା ଅଜିତ୍ କୁମାର ମହାନ୍ତି, ସଂପାଦିକା ମଧୁଛନ୍ଦା ମହାନ୍ତି, ଇଂ ହୃଷିକେଶ ସାହୁ ଓ ଜଳେଶ୍ୱରର ବିଭିନ୍ନ ବର୍ଗ ଓ ଗୋଷ୍ଠିର ଜନସାଧାରଣ ତାଙ୍କର ଶେଷ ଦର୍ଶନ କରିଥିଲେ । ସୁବର୍ଣ୍ଣରେଖା ନଦୀ କୂଳରେ ତାଙ୍କର ଶେଷ କୃତ୍ୟ ହୋଇଥିବା ବେଳେ ଜ୍ୟେଷ୍ଠପୁତ୍ର ମୁଖାଗ୍ନି ଦେଇଥିଲେ । ପ୍ରକାଶ ଯୋଗ୍ୟ ତାଙ୍କର ସାନଭାଇ ରମେଶ କୁମାର ରଣା ଦୀର୍ଘବର୍ଷ ଖଡଗପୁରସ୍ଥିତ ଓଡିଆ ବିଦ୍ୟାପୀଠରେ ଶିକ୍ଷକତା କରିଆସିଥିବା ବେଳେ ଗତବର୍ଷ ଶେଷ ନିଶ୍ୱାସ ତ୍ୟାଗ କରିଥିଲେ । ଆଜି ଜଳେଶ୍ୱର ଅଂଚଳରେ ଶୋକର ଛାୟା ଖେଳି ଯାଇଛି ।
ରିପୋର୍ଟ : ଭୂପତି କୁମାର ପରିଡା
