ଭୁବନେଶ୍ୱର (ସମୃଦ୍ଧ ଓଡିଶା) କେନ୍ଦ୍ର ସରକାରଙ୍କ କଡ଼ା ନିୟମ ଅନୁସାରେ ରେଡ୍ ହେଉ କି ଗ୍ରୀନ୍ କିମ୍ବା ଅରେଞ୍ଜ ସବୁ ଜୋନ୍ରେ ଯାହା କିଛି ଖୋଲା ରହିବ କେବଳ ସକାଳ ୭ରୁ ରାତି ୭ଟା ପର୍ଯ୍ୟନ୍ତ । କେବଳ ମେଡିକାଲ କାର୍ଯ୍ୟ ଛାଡି ରାତି ୭ଟାରୁ ସକାଳ ୭ଟା ପର୍ଯ୍ୟନ୍ତ ଜନଜୀବନ ଠପ୍ ହୋଇ ରହିବ ଅର୍ଥାତ ସବୁ କାମ ବନ୍ଦ ରହିବ ବୋଲି ଏ ସମ୍ପର୍କରେ ଆଜି ଭୁବନେଶ୍ୱର ପୋଲିସ୍ କମିଶନର ସୁଧାଂଶୁ ଷଡ଼ଙ୍ଗୀ ଟ୍ଵିଟ୍ କରି ସୂଚନା ଦେଇଛନ୍ତି । ଆଜି ଠାରୁ ଲକ୍ଡାଉନ୍ ୩.୦ ଆରମ୍ଭ ହୋଇଛି । ତେଣୁ ଏହି ନିୟମ ଅନୁସାରେ ରାତି ୭ଟା ପରେ କେହି ଘରୁ ପଦାକୁ ବାହାରି ପାରିବେ ନାହିଁ । କେନ୍ଦ୍ର ସରକାର ଏହାକୁ ଏକ ପ୍ରକାର କର୍ଫ୍ୟୁ ଗ୍ରହଣ କରାଯାଇଛି । ତେବେ ଏହି ନିୟମ ମେ ୧୭ ତାରିଖ ପର୍ଯ୍ୟନ୍ତ ବଳବତ୍ତର ରହିବ ବୋଲି ସେ କହିଛନ୍ତି । କେନ୍ଦ୍ର ସରକାର ଆଜିଠାରୁ ମେ ୧୭ ପର୍ଯ୍ୟନ୍ତ ଲକ ଡାଉନ ଅବଧି ବଢାଇଲା ବେଳେ ଏହି ନିୟମ ଜାରି କରିଛନ୍ତି । ଆଜିଠାରୁ ଏହାକୁ ସମଗ୍ର ଦେଶରେ ଲାଗୁ କରାଯାଇଛି । ସେଥିପାଇଁ କଟକ-ଭୁବନେଶ୍ୱର କମିଶନରେଟ ଅଂଚଳରେ ଏହାକୁ ଲାଗୁ କରାଯାଇଛି ।
ରିପୋର୍ଟ : ଆକାଶ ମିଶ୍ର
