ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର କୋର୍ଟପେଟା ଛକ ରାସ୍ତା କଡରେ ଜଣେ ଗର୍ଭବତୀ ମହିଳାଙ୍କ ପ୍ରସବ କରାଇବାରେ ସାହାର୍ଯ୍ୟ କରିଥିବା ଦୁଇ ଡାକ୍ତର ରନକ ଗାନ୍ଧୀ ଓ ଦେବଦର୍ଶନୀ ସାହୁଙ୍କୁ ଜିଲ୍ଲା ସ୍ୱାସ୍ଥ୍ୟ ଅଧିକ୍ଷକଙ୍କ କାର୍ଯ୍ୟାଳୟ ପରିସରରେ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ସମ୍ମାନିତ କରିବା ସହ ଉପଢୌକନ ଓ ଫୁଲତୋଳା ଦେଇ ସମ୍ବର୍ଦ୍ଧିତ କରିଥିଲେ । ଏହି ଦୁଇ ଡାକ୍ତର ବ୍ରହ୍ମପୁର ମେଡିକାଲରେ ଏଣ୍ଡ୍ରୋକ୍ରାଇନୋଲୋଜି ସୁପରସ୍ପେଶାଲିଷ୍ଟର ଛାତ୍ରଛାତ୍ରୀ । ଏହି ଅବସରରେ ସିଡିଏମଓ ଡ଼. ବିଜୟ କୁମାର ପାଣିଗ୍ରାହୀଙ୍କ ସମେତ ଡିପିଏମ ଶ୍ୟାମ ସୁନ୍ଦର ତ୍ରିପାଠୀ ଓ ଅନ୍ୟାନ୍ୟ ଅଧିକାରୀମାନେ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
