ରାୟଗଡା(ସମୃଦ୍ଧ ଓଡିଶା): ରାୟଗଡା ସ୍ଥିତ କୁମ୍ବିକୋଟା ଠାରେ ଯାନବାହନ ଯାଞ୍ଚ ସମୟରେ ଏକ ହାଇବା ଗାଡିର ସଠିକ କାଗଜପତ୍ର ନଥିବା ବେଳେ ସନ୍ଦେହ କରି କୁମ୍ବିକୋଟା ଫାଣ୍ଡି ଅଧିକାରୀ ରଶ୍ମି ରଞ୍ଜନ ଦାଶ ଗାଡିକୁ ଅଟକାଇ ପଚରାଉଚରା କରି ଯାଞ୍ଚ କରୁଥିବା ବେଳେ ଗାଡ଼ିରେ ମାଙ୍ଗାନିଜ ଥିବା ଦେଖିବାକୁ ପାଇଥିଲେ । ପରେ ଗାଡିକୁ ସିଜ୍ କରି ରାୟଗଡା ଥାନାକୁ ଅଣାଯାଇଥିଲା | ଏଥିରେ ସମ୍ପୃକ୍ତ ଥିବା ୮ ଜଣଙ୍କ ମଧ୍ୟରୁ ୫ ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ବେଳେ ଆଉ ୩ ଜଣ ଫେରାର ଆଛନ୍ତି । ଗିରଫ ବ୍ୟକ୍ତିମାନେ ହେଲେ ଦୁର୍ଯ୍ୟୋଧନ ଗାଣ୍ଟା, ନିତ୍ୟାନନ୍ଦ ନାୟକ, ଭିମା ମାଝୀ, କେ.ନକାସୁରି ଆପାରାଓ ଓ ଲକ୍ଷ୍ମଣ ଲହର | ଏମାନଙ୍କ ବିରୁଦ୍ଧରେ ରାୟଗଡା ଥାନାରେ କେଶ୍ ନଂ ୨୩୧/୧୮ରେ ଏକ ମାମଲା ରୁଜୁ ହୋଇଛି । ୧୫ ଟନ୍ ମାଙ୍ଗାନିଜ ଥିବା ହାଇବା ଗାଡିଟି କୁଟୁଲିରୁ ଆନ୍ଧ୍ରପ୍ରଦେଶର ପାର୍ବତୀପୁରମକୁ ଚାଳନ ହେଉଥିଲା । ଗାଡିକୁ ଆଗରୁ ବାଟ କଡେଇ ନେଉଥିବା ଏକ ମୋଟର ସାଇକେଲକୁ ମଧ୍ୟ ଜବତ କରିଯାଇଥିବା ରାୟଗଡା ଥାନା ଆଇଆଇସି କୃଷ୍ଣଚନ୍ଦ୍ର ଭାତ୍ର ସୂଚନା ଦେଇଛନ୍ତି ।
ରିପୋର୍ଟ:ତୁଷାର ରଞ୍ଜନ ସାହୁ