ଜଳେଶ୍ୱର (ସମୃଦ୍ଧ ଓଡିଶା) ଇଂରେଜ ଅମଳରେ ବାଲେଶ୍ୱର ଜିଲାର ଜଳେଶ୍ୱର ବ୍ଲକ ଅନ୍ତର୍ଗତ ଜମାଳପୁରସ୍ଥିତ ରାୟବାହାଦୁର ବିଶ୍ୱନାଥ ପରିଡା ଭାରତ ସ୍ୱାଧୀନତା ପାଇବା କେଇଘଣ୍ଟା ପୂର୍ବରୁ ୧୯୪୭ ମସିହା ଅଗଷ୍ଟ ୧୪ ତାରିଖ ରାତିରେ ଶେଷ ନିଶ୍ୱାସ ତ୍ୟାଗ କରିଥିଲେ । ବିଶ୍ୱନାଥ ପରିଡା ଏକାଧିକ୍ରମେ ସେ ଅଂଚଳରେ ବିଶ୍ୱନାଥ ଏକାଡେମୀ, ଚିକିତ୍ସାଳୟ, ଜମିଦାରୀ ମନ୍ଦିର, ଦୀନକୃଷ୍ଣ କଲେଜକୁ ଜମିଦାନ, ଜଳେଶ୍ୱର ତହସିଲ କାର୍ଯ୍ୟାଳୟ ପ୍ରତିଷ୍ଠା ଲାଗି ଜମିଦାନ, ରାସ୍ତାଘାଟ, ଦୁଃଖିରଙ୍କି ସେବାଲାଗି ବିଭିନ୍ନ କାର୍ଯ୍ୟକ୍ରମ ଇତ୍ୟାଦି କରି ଯଶସ୍ୱୀ ହୋଇଥିଲେ । ସେହି ପରିବାର ଶେଷ ଜମିଦାର ଭାବେ ଶ୍ରୀହରିଚରଣ ପରିଡା(୯୪) ଅସୁସ୍ଥ ହୋଇ ଶଯ୍ୟାସାୟୀ ଅଛନ୍ତି । ୧୯୪୨ ମସିହାରେ ମ୍ୟାଟ୍ରିକ ପାସ୍ କରି ସ୍ୱାଧୀନତା ପୂର୍ବରୁ ୧୯୪୭ରୁ ୧୯୫୧ ସରପଂଚଭାବେ କାର୍ଯ୍ୟ କରି ସୁଖ୍ୟାତି ଅର୍ଜନ କରିଥିଲେ । ସେ ରାଜନିତୀରେ ସକ୍ରିୟ ଭୂମିକା ଗ୍ରହଣ କରୁଥିବାରୁ ଦଳମତ ନିର୍ବିଶେଷରେ ସମସ୍ତେ ତାଙ୍କୁ ଆଦର କରୁଥିଲେ । ଏବେ ୯୪ ବର୍ଷ ବୟସରେ ସେ ଅସୁସ୍ଥ ଅଛନ୍ତି । ତାଙ୍କୁ ସାକ୍ଷାତ ପାଇଁ ବିଭିନ୍ନ ଅଞ୍ଚଳରୁ ବନ୍ଧୁବାନ୍ଧବ ଓ ପରିଚିତ ବ୍ୟକ୍ତିମାନେ ଆସୁଥିବା ବେଳେ ସେ ଅଂଚଳର ନେତୃସ୍ଥାନୀୟ ବ୍ୟକ୍ତିମାନେ ତାଙ୍କର ଆର୍ଶିବାଦ ଭିକ୍ଷା କରି ତାଙ୍କର ଦୀର୍ଘ ଜୀବନ କାମନା କରିଛନ୍ତି ।
ରିପୋର୍ଟ : ଭୂପତି ପରିଡା
