ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ଜିଲ୍ଲାର ୱାର୍ଡ ନଂ ୧୮ ସ୍ଥିତ ରାମେଶ୍ୱରପୁରର ସାହି ବାସିନ୍ଦା ରେଳୱେ ସାଇଡ ରୋଡ଼ କଂକ୍ରିଟ କରିବା ନିମନ୍ତେ ଜିଲ୍ଲାପାଳଙ୍କୁ ଦାବି ପତ୍ର ପ୍ରଦାନ କରିଛନ୍ତି । ସୂଚନା ଅନୁଯାଇ ଆଜକୁ ୬୦ ବର୍ଷ ହେଲା ରାମେଶ୍ୱରପୁର ତଳସାହି ଓ ଉପର ସାହିରେ ପାଖାପାଖି ୧ ହଜାରରୁ ଉର୍ଦ୍ଧ୍ୱ ଲୋକ ବସବାସ କରୁଥିଲେ ମଧ୍ୟ ଯାତାୟାତ ନିମନ୍ତେ କଂକ୍ରିଟ ରୋଡ଼ ଓ ଡ୍ରେନ ନଥିବାରୁ ରେଲୱେ ସାଇଡ ରୋଡ଼ଟି କାଦୁଅ ପଚପଚ ହେବା ଅବସ୍ଥାରେ ରହୁଛି । ଫଳରେ ସାହି ବାସିନ୍ଦା ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । କେତେକ ଲୋକ ଉକ୍ତ ରୋଡ଼ରେ ପଡି ହାତ ଗୋଡ ମଧ୍ୟ ଭାଙ୍ଗି ଛନ୍ତି ଓ ଛୋଟ ବଡ ମଟର ସାଇକେଲ ଯାତାୟାତ ମଧ୍ୟ ହୋଇପାରୁ ନାହିଁ । ରୋଡଟି ମରଣଯନ୍ତାରେ ପରିଣତ ହୋଇଗଲାଣି । ଏ ସମ୍ପର୍କରେ ପୌରନିର୍ବାହି ଅଧିକାରୀଙ୍କୁ ବାରମ୍ବାର ଜଣାଇଥିଲେ ମଧ୍ୟ କୌଣସି ସ୍ଥାୟୀ ସମାଧାନ କରୁନଥିବା ଅଭିଯୋଗ ମଧ୍ୟ କରିଛନ୍ତି । ତେଣୁ ଏହି ରୋଡ ପ୍ରତି ସ୍ୱତନ୍ତ୍ର ଭାବେ ଦୃଷ୍ଟି ଦେଇ ତୁରନ୍ତ ନିର୍ମାଣ କରିବାକୁ ଦାବୀ କରାଯାଇଛି । ଯଦି ଦାବୀ ପୂରଣ ତୁରନ୍ତ କରାନଯାଏ ତେବେ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ସାହି ବାସିନ୍ଦା ।
ରିପୋର୍ଟ : ଶୁଭମ କୁମାର ପାଣି
