ଜଳେଶ୍ୱର (ସମୃଦ୍ଧ ଓଡିଶା) ବୃକ୍ଷ ହିଁ ଜୀବନ ଏହି ଉକ୍ତିକୁ ପ୍ରତିପାଦନ କରିବା ଲକ୍ଷ୍ୟରେ ନବ ଗଠିତ ରୋଟାରୀ କ୍ଲବ ସୁବଣ୍ଣରେଖା ରାଇବଣିଆ ପକ୍ଷରୁ ରୋଟାରୀ ବର୍ଷ ୨୦୧୯-୨୦ର ପ୍ରଥମ ଦିବସରେ ଏକ ବୃକ୍ଷ ରୋପଣ କାର୍ଯ୍ୟକ୍ରମ ଛମୌଜସ୍ଥିତ ମାଧବଚନ୍ଦ୍ର ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । କ୍ଲବ ପକ୍ଷରୁ ଉପଦେଷ୍ଟା ସୁକୁମାର ରଣା, ଉପସଭାପତି ଅଜିତ୍ କୁ. ମହାନ୍ତି ସଂପାଦକ ନୀଳକଣ୍ଠ ଖଣ୍ଡା, କୋଷଧ୍ୟକ୍ଷ ଅଶ୍ୱିନୀ କୁମାର ନାଥ ପ୍ରମୁଖଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ପ୍ରଧାନ ଶିକ୍ଷକ ମନୋରଂଜନ ଦାସ ଏକ ଶାଗୁଆନ ବୃକ୍ଷ ବିଦ୍ୟାଳୟ ପରିସରରେ ରୋପଣ କରି ଉଦ୍ଘାଟନ କରିଥିଲେ । ସ୍ଥାନୀୟ ଗୋପୀମୋହନପୁର ସରପଂଚ ରବୀନ୍ଦ୍ର ନାଥ ଜେନା ମୁଖ୍ୟ ଅତିଥିଭାବେ ଯୋଗ ଦେଇଥିବା ବେଳେ ଶିକ୍ଷକ ରଜନୀକାନ୍ତ ଜେନା, ଅଜିତ୍ କୁମାର ନନ୍ଦୀଳ ସମାଜସେବୀ ମନ୍ମୋଥ କୁମାର କମିଳା, ଭୂପେନ୍ଦ୍ର ନାଥ ପତି, ଶଶିକାନ୍ତ ପ୍ରଧାନ ସମେତ ଛାତ୍ରଛାତ୍ରୀମାନେ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା