ଜଳେଶ୍ୱର (ସମୃଦ୍ଧ ଓଡିଶା) ପ୍ରତିବର୍ଷପରି ଚଳିତବର୍ଷ ମଧ୍ୟ ଶାନ୍ତିଆ ସରକାରୀ ଉପ୍ରା ବିଦ୍ୟାଳୟର ବାର୍ଷିକ ଉତ୍ସବ ଆଜି ବୁଧବାର ଅପରାହ୍ନରେ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସଂଗୀତା ସାହୁଙ୍କ ପୌରହିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥିରୂପେ ବିଡିଓ ନିତ୍ୟାନନ୍ଦ ସାହୁ ବିଶିଷ୍ଟ ଅତିଥିଭାବେ ବିଇଓ ବିଜୟ କୁମାର ନାଥ, ମୁଖ୍ୟବକ୍ତାଭାବେ ପୂର୍ବତନ ଏବିଇଓ କପିଳେଶ୍ୱର ମହାନ୍ତି ଓ ସମ୍ମାନୀତ ଅତିଥିଭାବେ ରମାକାନ୍ତ ଜେନା ଯୋଗ ଦେଇ ଏକ ବିଦ୍ୟାଳୟର ବାର୍ଷିକ ଉତ୍ସବର ଆବଶ୍ୟକତା ସଯପର୍କରେ କହିଥିଲେ । ପ୍ରାରମ୍ଭରେ ଶିକ୍ଷକ ଦିଲ୍ଲିପ କୁମାର ସେଠୀ ମଂଚ ଆହ୍ୱାନ ଓ ଅତିଥି ପରିଚୟ ପ୍ରଦାନ କରିଥିଲେ । ଏହି ଅବସରରେ ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ରାଧାଶ୍ୟାମ ସାହୁଙ୍କ ପକ୍ଷରୁ ଆଦ୍ୟାଚରଣ ମେଧାବୃତ୍ତି ୫ଜଣ ଛାତ୍ରଛାତ୍ରୀଙ୍କୁ ପ୍ରଦାନ କରାଯାଇଥିଲା । ଶେଷରେ ଶିକ୍ଷୟତ୍ରୀ ସ୍ମିତାରାଣୀ ଦାସମହାପାତ୍ର ଧନ୍ୟବାଦ ଅର୍ପଣ କରିଥିଲେ । ସଂଧ୍ୟାରେ ନାଟକ ସତ ଲୁଚିଛି ମିଛ ହାଟରେ ଛାତ୍ରଛାତ୍ରୀଙ୍କ ଦ୍ୱାରା ପରିବେଶଣ କରାଯାଇଥିଲା ।
ରିପୋର୍ଟ : ଭୂପତି କୁମାର ପରିଡା