ଛତ୍ରପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଏକ ପ୍ରେସ ବିବୃତି ଜରିଆରେ ସଂଗ୍ରାମ ଛତୁଆ କେନ୍ଦ୍ରକୁ କାର୍ଯ୍ୟକାରିତାରୁ ବାଦ ଦେବାକୁ ନିର୍ଦ୍ଦେଶ ଦେଇଥିବା ସୂଚନା ଦେଇଛନ୍ତି । ସୂଚନା ଅନୁଯାୟୀ ଜିଲ୍ଲା ସମାଜ ମଙ୍ଗଳ ଅଧିକାରିଣୀ ମନୋରମା ରେଡ୍ଡୀ କୁକୁଡାଖଣ୍ଡି ବ୍ଲକର ସଂଗ୍ରାମ ଏସଏଜି ଗ୍ରୁପ ନିମ୍ନମାନର ଛତୁଆ ପ୍ରଦାନ କରୁଥିବା ଏବଂ କେନ୍ଦ୍ରର ପରିସ୍କାର ପରିଚ୍ଛନ୍ନତା ରହୁନଥିବା ନେଇ ଓବିନ୍ୟୁଜରେ ଖବର ପ୍ରକାଶ ପାଇଥିଲା । ପୂର୍ବରୁ ବହୁବାର ଅଭିଯୋଗ ପରେ ଗଞ୍ଜାମ ଜିଲ୍ଲାପାଳ ଓ ବ୍ରହ୍ମପୁର ଉପଜିଲ୍ଲାପାଳ ଅଚାନକ ଜଗଦଳପୁର ସ୍ଥିତ ସଂଗ୍ରାମ ଛତୁଆ କେନ୍ଦ୍ର ପରିଦର୍ଶନ କରି ଛତୁଆ ପ୍ରସ୍ତୁତି ହେଉଥିବା ଭୂତଳ ପ୍ରାସାଦ ଦେଖିଥିଲେ । କେନ୍ଦ୍ରରେ ବିଦ୍ୟୁତ ବ୍ୟବସ୍ଥା ନଥିବାରୁ ଜିଲ୍ଲାପାଳ ନିଜ ଟର୍ଚ୍ଚ ଲାଇଟରେ ତଦନ୍ତ କରିଥିଲେ ଏବଂ ପରବର୍ତ୍ତୀ ସମୟରେ ଗତ ସପ୍ତାହ ତଳେ ଗଞ୍ଜାମ ଜିଲ୍ଲା ସମାଜ ମଙ୍ଗଳ ଅଧିକାରିଣୀ ଏହି କେନ୍ଦ୍ର ପରିଦର୍ଶନ କରିଥିଲେ । ଏହି ଛତୁଆ କେନ୍ଦ୍ର ପରିଚାଳିକାଙ୍କୁ ଜିଲ୍ଲା ଅଫିସରେ ହାଜିରା ପାଇଁ ନିର୍ଦ୍ଦେଶ ଦେଇଥିଲେ । କିନ୍ତୁ ଜିଲ୍ଲାପାଳଙ୍କୁ ଭେଟି ପାରିନଥିଲେ । ପିଲାମାନଙ୍କୁ ଅତ୍ୟନ୍ତ ନିମ୍ନମାନର ଛତୁଆ ପ୍ରଦାନ କରୁଛନ୍ତି । ଯାହାଫଳରେ ନିମ୍ନମାନର ଛତୁଆ ଶିଶୁମାନେ ନଖାଇ ଗାଈକୁ ଦେଉଛନ୍ତି । ସଦରକାରଙ୍କ ଅପପୃଷ୍ଟି ଦୂରୀକରଣ ଯୋଜନା ଅଧପନ୍ତରିଆ ହୋଇ ରହିଯାଉଛି । ଯାହାକି ରାଜ୍ୟ ବିକାଶରେ ବାଧା ସୃଷ୍ଟି କରିବା ସହ ସରକାର ବଦନାମ ହେଉଛନ୍ତି । ଅନ୍ୟପକ୍ଷେ ଇନ୍ଦ୍ରାସିର ବଜରଙ୍ଗଵାଲୀ ସ୍ୱୟଂସହାୟକ ଗୋଷ୍ଠୀକୁ ମଧ୍ୟ କାର୍ଯ୍ୟକାରିତାରୁ ବାଦ ଦେଇଛନ୍ତି । ଗଞ୍ଜାମ କାଇଁଚପୁର ସ୍ଥିତ ମାଁ ଘଟଗାଁ ଛତୁଆ କେନ୍ଦ୍ରକୁ ରାଜ୍ୟ ଉପସଚିବଙ୍କ ନିର୍ଦ୍ଦେଶ କ୍ରମେ ସଂଘର ତ୍ରୁଟିପୂର୍ଣ୍ଣ କାର୍ଯ୍ୟକଳାପ ଯୋଗୁଁ ସେମାନଙ୍କୁ ତାଗିତ କରାଯାଇଛି । ଏହାସହ ପରବର୍ତ୍ତୀ ସମୟରେ ପୁନରାବୃତ୍ତି ଘଟିଲେ ଏହାକୁ ମଧ୍ୟ ବାତିଲ କରାଯିବ ବୋଲି ଡିଏସଡବ୍ଲ୍ୟୁ ସୂଚନା ଦେଇଛନ୍ତି ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା
