ଜଳେଶ୍ଵର (ସମୃଦ୍ଧ ଓଡିଶା) ଜଳେଶ୍ଵର ଅଞ୍ଚଳର ଜନନାୟକ, ଦରଦି ବନ୍ଧୁ, ସମାଜସେବୀ, ପରୋପକାରୀ, ଯାତ୍ରା ନିର୍ଦ୍ଦେଶକ, ଅବସରପ୍ରାପ୍ତ ଆଦର୍ଶ ଶିକ୍ଷକ, ଛମୌଜ ଗ୍ରାମର ପରିଚାଳନା କମିଟିର ଉପ ସଭାପତି ଯତୀନ୍ଦ୍ର ନାଥ ପରିଡ଼ା ଆଉ ନାହାନ୍ତି । ତାଙ୍କର ସହଯୋଗରେ ଛମୌଜ ଗ୍ରାମରେ ଡ଼ାକ୍ତରଖାନା, ଦୂର୍ଗାପୂଜା, ଜଗନ୍ନାଥ ମନ୍ଦିର, ବିଦ୍ୟାଳୟ ଭଳି ବହୁ ଅନୁଷ୍ଠାନ ପ୍ରତିଷ୍ଠିତ ହୋଇଛି । ତାଙ୍କର ହାତ ବିନା କୌଣସି ଅନୁଷ୍ଠାନ ପ୍ରତିଷ୍ଠିତ ହୋଇଛି ବୋଲି କହିବା ଠିକ୍ ହେବ ନାହିଁ । ତାଙ୍କର ଯାଦୁକର ହାତ ସ୍ପର୍ଶରେ ଛମୌଜ ଗ୍ରାମ ଆଜି ଜଳେଶ୍ଵର ବ୍ଲକରେ ଆଦର୍ଶ ଗ୍ରାମ ଭାବେ ପରିଚିତ। ସେ ଥିଲେ ଆମ ଅଞ୍ଚଳର ବିଶ୍ୱକର୍ମା । ସେ ବହୁଦିନ ଧରି ବୃକକ ରୋଗରେ ଅସୁସ୍ଥ ଥାଇ କଟକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଥିଲେ । ଗତକାଲି ସେଠାରେ ସେ ମୃତ୍ୟୁ ବରଣ କରିଥିଲେ ଏବଂ ଚିକିତ୍ସା ହେବା ସମୟରେ ତାଙ୍କର କୋଭିଦ ଥିବାରୁ, ତାଙ୍କର ମୃତ ଦେହ ସେଠାରେ ଦାହ କରା ଯାଇଛି । ତାଙ୍କର ସହଧର୍ମିଣୀ ପଦ୍ମାବତୀ ଦେବୀ ଓ ୪ ପୁତ୍ର, ପ୍ରଦୀପ, ଦିଲ୍ଲୀପ, ଅନୁପ ଓ ନିଲୁ ଥିବାବେଳେ, ମତ୍ୟୁ ବେଳେ ସାନ ପୁତ୍ର ନିଲୁ ବ୍ୟତୀତ ଅନ୍ୟ ପୁତ୍ର ମାନେ ଓ ପୁତ୍ରବଧୂ ଗୀତାରାଣୀ ଥିଲେ । ସ୍ୱର୍ଗତ ପରିଡ଼ାଙ୍କ ମୃତ୍ୟୁ ଖବର ଶୁଣିବା ପରେ ଗ୍ରାମ ତଥା ଜଳେଶ୍ଵର ଅଞ୍ଚଳରେ ଏକ ପ୍ରକାର ଶୋକାକୁଳ ପରିବେଶ ସୃଷ୍ଟି ହୋଇଥିବା ଜଣା ପଡ଼ିଛି ।
ରିପୋର୍ଟ : ଭୂପତି ପରିଡା
