ଢେଙ୍କାନାଳ (ସମୃଦ୍ଧ ଓଡିଶା) ପବିତ୍ର ସରସ୍ୱତୀ ପୂଜା ଗୁରୁବାର ଦିନ ସରସ୍ୱତୀ ଶିଶୁ ବିଦ୍ୟା ମନ୍ଦିର ଖଂକିରାର ବାର୍ଷିକ ଉତ୍ସବ ତଥା ତୃତୀୟ ପ୍ରତିଷ୍ଠା ଦିବସ ମହା ଆଡମ୍ବରରେ ପାଳିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଜିଲ୍ଲା ପ୍ରମୁଖ ଦ୍ୱାରିକାନାଥ ରାଉତ, ମୁଖ୍ୟବକ୍ତା ହେମନ୍ତ ବ୍ରହ୍ମ, ସମ୍ମାନିତ ଅତିଥି ରୁପେ ନିହଲ ପ୍ରସାଦ, ଥାନାଧିକାରୀ ମଲ୍ଲିକ ସାର୍, ସିରାସିସି ବିଚିତ୍ରାନନ୍ଦ ଦାସ ଯୋଗ ଦେଇଥିଲେ । ଶିଶୁ ବିଦ୍ୟା ମନ୍ଦିର ସଂପାଦକ ରାଜେଶ୍ କୁମାର ସାହୁ ଅତିଥି ପରିଚୟ ପ୍ରଦାନ କରିବା ସହ ବାର୍ଷିକ ବିବରଣୀ ପାଠ କରିଥିଲେ । ଅତିଥି ମାନେ ସମୟାନୁବର୍ତ୍ତିତା, ଶୃଙ୍ଖଳା ପ୍ରତି ବିଶେଷ ଧ୍ୟାନ ଉପରେ ଗୁରୁତ୍ୱ ଦେବା ପାଇଁ ଆଶ୍ରୀବଚନ ପ୍ରଦାନ କରିବା ସହିତ ଶିଶୁ ବିଦ୍ୟା ମନ୍ଦିରର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ । ପରିଚାଳନା ସମିତି ତରଫରୁ ସଭାପତି ରଂଜନ କୁମାର ମହାପାତ୍ର ଏବଂ ସମସ୍ତ ସଭ୍ୟ, ଗୁରୁମା ମାନେ ଉତ୍ସବ ପାଳନରେ ସହଯୋଗ କରିଥିଲେ । ସଂପାଦକ ରାଜେଶ୍ ଭାଇ ଧନ୍ୟବାଦ ଅର୍ପଣ ସହିତ ଭବିଷ୍ୟତରେ ଏକ ଆବାସିକ ଵିଦ୍ୟାଳୟରେ ରୁପେ ଗଢି ତୋଳିବାକୁ ପ୍ରତିଶ୍ରୁତି ଦେଇଥିଲେ । ଶେଷରେ କୁନିକୁନି ଶିଶୁ ଭାଇ ଓ ଭଉଣୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା ।
ରିପୋର୍ଟ : ଶୁଭମ କୁମାର ପାଣି