ଜଳେଶ୍ୱର (ସମୃଦ୍ଧ ଓଡିଶା) ସରକାର ମୋ ସ୍କୁଲ ଅଭିଯାନ ଆରମ୍ଭ କରିଥିବା ବେଳେ ବାଲେଶ୍ୱର ଜିଲା ଜଳେଶ୍ୱର ତହସିଲ ଅଧିନ ଚୋରମରା ସରକାରୀ ପ୍ରାଥମିକ ବିଦ୍ୟାଳୟରେ ପୁରାତନ ଛାତ୍ରଛାତ୍ରୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ପ୍ରହଲ୍ଲାଦ ବାରିକ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥିଭାବେ ଜଳେଶ୍ୱର ବିଇଓ ବିରଞ୍ଜନ ଦାସ ମହାପାତ୍ର ଯୋଗ ଦେଇ ଶିକ୍ଷା ବିଭାଗରେ ମୋ ସ୍କୁଲ ଅଭିଯାନ ଏକ ନୂତନ ଦିଗ୍ ଦର୍ଶନ ବୋଲି କହିଥିଲେ । ମୁଖ୍ୟବକ୍ତାଭାବେ ସରପଂଚ ପରିତୋଷ କାମିଳା ଯୋଗ ଦେଇ ବିଦ୍ୟାଳୟର ଭିତ୍ତିଭୂମୀ ବିକାଶରେ ପୁରାତନ ଛାତ୍ରଛାତ୍ରୀଙ୍କ ପ୍ରମୁଖ ଭୂମିକା ରହିଥିବା କହିଥିଲେ । ଅନ୍ୟମାନଙ୍କ ମଧ୍ୟରେ ଓଷ୍ଟାର ନେତା ସୁକୁମାର ମିଶ୍ର, ପ୍ରଶାନ୍ତ ମିଶ୍ର, ପ୍ରାଧ୍ୟାପକ ଡ. ଅକ୍ଷୟ ପରିଡା, ସିଆର୍ସିସି ସେକ୍ ମୁସଲିମ, ରମାନାଥ ପ୍ରଧାନ, ଜଗବଂଧୁ ସାହୁ, ମନୋରଂଜନ ରାଉଳ, ଲକ୍ଷ୍ମୀଧର ପ୍ରଧାନ, ଶିବନାରାୟଣ ଜେନା, ସଂଜୟ ପରିଡା, ପୁଷ୍ପିତା ସାହୁ, ସୁଭଦ୍ରା ପରିଡା, ସବିତା ସାହୁଙ୍କ ସହିତ ବହୁ ପୁରାତନ ଛାତ୍ରଛାତ୍ରୀ ଉପସ୍ଥିତ ରହିଥିଲେ ।
