ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅଞ୍ଚଳରେ ଛତୁଆ ବଣ୍ଟନକୁ ନେଇ ସୃଷ୍ଟି ହୋଇଥିବା ଅନିଶ୍ଚିତତା ଦୂର ପାଇଁ ଆଜି ବ୍ଳକ ସ୍ତରୀୟ ଫେଡେରେସନର ଏକ ଜରୁରୀ ବୈଠକ ଆହୁତ ହୋଇଥିଲା । ଜଳେଶ୍ୱର ବିଡିଓ ଦୀପ୍ତିରଂଜନ ସେଠୀ ଗତ ସୋମବାର ବ୍ଳକ କାର୍ଯ୍ୟାଳୟ ଫାଟକରେ ଫେଡେରେସନ୍ ପକ୍ଷରୁ ପଡିଥିବା ତାଲା ଖୋଲିବାକୁ ନିର୍ଦ୍ଦେଶ ଦେବା ସହିତ ଆଜି ସମସ୍ୟାର ସମାଧାନ ଲାଗି ପ୍ରତିଶୃତି ଦେଇଥିଲେ । ତେଣୁ ସିଡିପିଓ ନିହାରୀକା ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ସବିଶେଷ ଆଲୋଚନା ହୋଇଥିଲା । ଅଦ୍ୟାବଧି କେତେକ ସଦସ୍ୟା ୩ଲକ୍ଷ ଟଙ୍କା ଦେବା ସହିତ ସଂପାଦିକା ବନ୍ଦିତା ଗିରି ୧.୫ ଲକ୍ଷ ଟଙ୍କାର ଆସବାପତ୍ର ଦେଇଥିବାରୁ ତାହା ନେବାଲାଗି ଆଲୋଚନା ହୋଇଥିଲା । ଶେଷରେ ପୁରୁଣା କମିଟିକୁ ଭାଂଗି ନୂଆ କମିଟି ଗଠନ ହୋଇଥିବାର ସିଡିପିଓ କହିଛନ୍ତି । ଏଥିରେ ପୁଷ୍ପଲତା ଦତ୍ତ ସଭାପତି ଓ ଭାରତୀ ପାଣିଗ୍ରାହୀ ସଂପାଦିକା ଭାବେ ମନୋନୀତ ହୋଇଥିବାରୁ ମହାସଂଘର ସମସ୍ତ କାଗଜପତ୍ର ହସ୍ତାନ୍ତର ଲାଗି ପୂର୍ବତନ ସଭାନେତ୍ରୀ ନିୟତୀ ରାଜଙ୍କୁ କୁହାଯାଇଛି । ଅନ୍ୟପକ୍ଷରେ ନିୟତି ରାଜଙ୍କ ପକ୍ଷରୁ ଏ ସମ୍ପର୍କରେ ଡବ୍ଲୁପିସି ୩୦୬୯୪ ତା ୧-୧୦-୨୧ ଅନୁଯାୟୀ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଛନ୍ତି । ତେଣୁ ସେ ଖାତା ଦେବା ନ ଦେବା ଲାଗି ଆଲୋଡନ ସୃଷ୍ଟି ହୋଇଛି । ବିଡିଓ ହସ୍ତକ୍ଷେପ କରିବେ ବୋଲି ଆଶା କରାଯାଉଛି ।
ରିପୋର୍ଟ : ଭୂପତି ପରିଡା
