ଖହିନ୍ଦୋଳ (ସମୃଦ୍ଧଓଡିଶା) ହିନ୍ଦୋଳ ବ୍ଲକ ଅନ୍ତର୍ଗତ ବେଡାପଡା ମିନି ଷ୍ଟାଡିୟମରେ ଆୟୋଜିତ ହେଉଥିବା ୧୪ତମ ସର୍ବଭାରତୀୟ ସୁବାଷ ମେମୋରିଆଲ କ୍ରିକେଟ ଟୁର୍ଣାମେଣ୍ଟର ଦ୍ବିତୀୟ କ୍ବାଟର ଫାଇନାଲ ମ୍ୟାଚରେ ସମ୍ବଲପୁରର ଏମ ଏମ ସି ସି ଦଳ, ବାଲେଶ୍ବରର ଆଦର୍ଶ କ୍ରିକେଟ କ୍ଲବକୁ ଛଅ ୱିକେଟ ରେ ପରାସ୍ତ କରି ସେମିଫାଇନାଲ ଖେଳିବାକୁ ଯୋଗ୍ୟତା ଅର୍ଜନ କରିଛି । ଟସ ଜିତି ବାଲେଶ୍ବର ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ କୋଡିଏ ଓଭର ମଧ୍ୟରେ ସମସ୍ତ ୱିକେଟ ହରାଇ ୧୨୨ ରନ ସଂଗ୍ରହ କରିଥିଲା। ଜବାବରେ ସମ୍ବଲପୁର ଦଳ ୧୩.୪ ଓଭରରେ ୧୨୪ରନର ବିଜୟ ଲକ୍ଷ ହାସଲ କରି ଆସନ୍ତା କାଲି ମଙ୍ଗଳବାର କଟକର ରାଇଜିଙ୍ଗ ଷ୍ଟୁଡେଣ୍ଟ ସହିତ ସେମିଫାଇନାଲ ଖେଳିବାକୁ ଯୋଗ୍ୟତା ଅର୍ଜନ କରିଛି । ଉନ୍ନତ ମାନର ଖେଳ ପ୍ରଦର୍ଶନ ସମ୍ବଲପୁର ଦଳର ପପୁ ରାୟ ୪ଓଭରରେ ୨୬ ରନ ବ୍ୟୟ କରି ୫ ଟି ୱିକେଟ ଅକ୍ତିଆର କରି ମ୍ୟାନ ଅଫ ଦି ମ୍ୟାଚ ଭାବେ ପୁରସ୍କୃତ ହୋଇଥିଲେ। ପୁରସ୍କାର ବିତରଣ ଉତ୍ସବରେ ସ୍ଥାନୀୟ ଯୁବ ନେତା ତପନ ପରିଡା ମୂଖ୍ୟ ଅତିଥି ଭାବେ ଯୋଗଦେଇ ମ୍ୟାନ ଅଫିସର ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ । ଆଜିର ମ୍ୟାଚକୁ ଜୟକୃଷ୍ଣ ରାଉତ ଏବଂ ଆଶୁତୋଷ ପାଣି ପରିଚାଳନା କରିଥିବା ବେଳେ , ବୁବୁ ସିହ୍ନା ଧାରା ବିବରଣୀ ପ୍ରଦାନ କରିଥିଲେ l ମଙ୍ଗଳବାର ଦିନ ରାଇଜିଙ୍ଗ ଷ୍ଟୁଡେଣ୍ଟ କଟକ ଏବଂ ସମ୍ବଲପୁର ଟିମ ମଧ୍ୟରେ ଖେଳ ଅନୁଷ୍ଠିତ ହେବ ବୋଲି ଆୟୋଜକଙ୍କ ତରଫରୁ ସୂଚନା ମିଳିଛି।
ରିପୋର୍ଟ : ରଜତ ମହାପାତ୍ର
