ଯାଜପୁର (ସମୃଦ୍ଧ ଓଡିଶା) କେହି ନାହିଁ ଯାହାର ସୂର୍ଯ୍ୟାଲୋକ ସମାଜସେବା ପରିବାର ତାହାର ସାହା ହେଉଥିବା ଦେଖିବାକୁ ମିଳୁଛି । ଆଗରୁ ବିଭିନ୍ନ ସମୟରେ ବହୁ ଅସହାୟ ବ୍ୟକ୍ତି ମାନଙ୍କୁ ସାହାଯ୍ୟ କରି ବିଭିନ୍ନ ଖାଦ୍ୟ, ବସ୍ତ୍ର, ଆର୍ଥିକ ସହାୟତା ଓ ରହିବାକୁ ସ୍ଥାନ ଯୋଗାଇ ଦେଇ ଆସୁଥିବା ବେଳେ ଆଜି ପୁଣି ଦାନଗଦି ବ୍ଲକର ନଡ଼ିଆ ଭଙ୍ଗା ଗ୍ରାମରେ ତିନି ବିଧବା ଭଉଣୀ କନକ, ମାନସୀ ଓ ମଞ୍ଜୁ ଦୁଃଖରେ ଜୀବନ ଯାପନ କରୁଥିବା ନେଇ ଖବର ପାଇବା ପରେ ତୁରନ୍ତ ସୂର୍ଯ୍ୟାଲୋକ ସମାଜସେବା ପରିବାରର ସଦସ୍ୟ ମାନେ ତତ୍କାଳ ସୁଦୂର ଯାଜପୁର ସହରରୁ ଦାନଗଦିରେ ଯାଇ ପହଞ୍ଚିଥିଲେ । ଏହାପରେ ଦାନଗଦି ବିଡିଓଙ୍କୁ ଭେଟି ତାଙ୍କ ଦ୍ଵାରା କିଛି ଆର୍ଥିକ ସହାୟତା ପ୍ରଦାନ କରିଥିଲେ । ବିଡିଓ ସେହି ଅର୍ଥକୁ ସେହି ତିନି ଭଉଣୀକୁ ଦେବା ସହ ଆଗାମୀ ଦିନ ପାଇଁ କିଛି ପ୍ରଶାସନିକ ସହାୟତା ଯୋଗାଇ ଦେବାର ବ୍ୟବସ୍ଥା କରିବା ପାଇଁ ପ୍ରତିଶୃତି ଦେଇଥିଲେ । ଏହାସହ ସୂର୍ଯ୍ୟାଲୋକ ପରିବାରର ଏତାଦୃଶ କାର୍ଯ୍ୟ ପାଇଁ ସାଧୁବାଦ ଜଣାଇଥିଲେ । ଏହି କାର୍ଯ୍ୟକ୍ରମରେ ସଂଗଠନର ସଦସ୍ୟ ବସୁବନ୍ଧୁ ଦାସ, ସ୍ମୃତି ରଞ୍ଜନ ସ୍ୱାଇଁ, ଲୋକନାଥ ସାହୁ ଓ ଦେବୀପ୍ରସାଦ ବେହୁରିଆ ପ୍ରମୁଖ ଯୋଗଦାନ କରିଥିଲେ ।
