ଜଳେଶ୍ୱର (ସମୃଦ୍ଧ ଓଡିଶା) ଆଜି ମଙ୍ଗଳବାର ଅପରାହ୍ନରେ ବାଲେଶ୍ୱର ଜିଲାର ଜଳେଶ୍ୱର ବ୍ଲକ ଅନ୍ତର୍ଗତ ପଥରପୁରା ଅଂଚଳର ରିଟେଲର ମନୋ ସାହୁଙ୍କ ପୁଅ ଅଜିତ୍ କୁମାର ସାହୁ ଏବଂ ଜଳେଶ୍ୱର ଷ୍ଟେସନ ବଜାରର ଖୁଡି ରଂଜନ ପଣ୍ଡାଙ୍କ ପୁଅ ଦିବ୍ୟାଙ୍ଗ ରଞ୍ଜନ ପଣ୍ଡା ଏକ ସ୍କୁଟିରେ ବାଲେଶ୍ୱରରୁ ଜଳେଶ୍ୱର ଫେରୁଥିବା ବେଳେ ରେମୁଣା ଗୋଲେଇଠାରେ ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ଏଥିରେ ଅଜିତ୍ କୁମାର ସାହୁଙ୍କର ମୃତ୍ୟୁ ଘଟିଥିବା ବେଳେ ଦିବ୍ୟାଙ୍ଗ ଗୁରୁତର ଅବସ୍ଥାରେ ବାଲେଶ୍ୱର ଡାକ୍ତରଖାନାରେ ଚିକିତ୍ସାିତ ହେଉଥିବା ଜଣାଯାଇଛି । ଘଟଣାଟି ଜଣାଯିବାପରେ ଏ ଅଂଚଳରେ ଶୋକର ଛାୟା ଖେଳି ଯାଇଛି ।
ରିପୋର୍ଟ : ଭୂପତି କୁମାର ପରିଡା