ଛତ୍ରପୁର(ସମୃଦ୍ଧ ଓଡିଶା)ଗଞ୍ଜାମ ଜିଲ୍ଲା ଛତ୍ରପୁର ମହକୁମାସ୍ଥତ ଛତ୍ରପୁର ବିଜ୍ଞାପିତ ଅଞ୍ଚଳ ପରିଷଦ ଆନୁକୂଲ୍ୟରେ ଛତ୍ରପୁର ନୁଆଁ ବସଷ୍ଟାଣ୍ଡ ପରିସରରେ ସ୍ୱଚ୍ଛତା ଅଭିଯାନ ସମ୍ପର୍କିତ କର୍ମଶାଳା, ସ୍ୱଚ୍ଛତା ସର୍ବେକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ସହରାଞ୍ଚଳରେ ନିୟୋଜିତ ସଫେଇ କର୍ମଚାରୀମାନଙ୍କ ଦକ୍ଷତାକୁ ପ୍ରତିପାଦନ କରାଯାଇ ସ୍ୱଚ୍ଛତା ସମ୍ମାନରେ ଅନେକ ସଫେଇ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯାଇ ସେମାନଙ୍କୁ ଉତ୍ସାହିତ କରାଯାଇଛି । ଏହି ଅବସରରେ ଆଇ.ସି.ଏସ୍.ଇ. ଦଶମ ଶ୍ରେଣୀ ପରୀକ୍ଷାରେ ୯୯.୪% ମାର୍କ ରଖି ଓଡ଼ିଶା ଟପର୍ ହୋଇଥିବା କାରମେଲ୍ ସିନିୟର ସେକେଣଣ୍ଡେରୀ ସ୍କୁଲ୍ ର ଛାତ୍ର ଛତ୍ରପୁର ଏନ.ଏ.ସି.ପାଇଁ ଗୌରବ ଆଣିଥିବା ଏହି ମାଟିର ପୁଅ ଶ୍ରୀମାନ ବିଷ୍ଣୁ ପ୍ରସାଦ ଶତପଥୀଙ୍କୁ ମାନପତ୍ର ସହ ଉପଢୌକନରେ ସମ୍ମାନୀତ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥୀ ଭାବେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା, ଛତ୍ରପୁର ଏନ.ଏ.ସି. ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ଉପାଧ୍ୟକ୍ଷ ଜି.ପାପାରାଓ, ନିର୍ବାହୀ ଅଧିକାରୀ ସମ୍ବିତ ସଂଗ୍ରାମଜିତ ସାହୁ ପ୍ରମୁଖ ମଞ୍ଚାସୀନ ହୋଇ ଏହି କାର୍ଯ୍ୟକ୍ରମରେ ସକ୍ରୀୟ ଅଂଶଗ୍ରହଣ କରିଥିଲେ । ଏହି ଅବସରରେ ଏକ ବନ୍ଧୁମିଳନ କାର୍ଯ୍ୟକ୍ରମ ତଥା ବଡ଼ଖାନା ର ଆୟୋଜନ ହୋଇଥିଲା । ସମାଜସେବୀ ତଥା ଆଡଭୋକେଟ କେ.ଚନ୍ଦ୍ରଶେଖର ରେଡ୍ଡୀ ଏହି କାର୍ଯ୍ୟକ୍ରମରେ ସକ୍ରୀୟ ସହଯୋଗ କରିଥିଲେ । ସ୍ୱଚ୍ଛସାଥୀ,ମହିଳା ସ୍ୱୟଂସହାୟିକା ଗୋଷ୍ଠୀ, ସମସ୍ତ କାଉନ୍ସିଲର ବୃନ୍ଦ ଛତ୍ରପୁର ଏନ.ଏ.ସି.ରକର୍ମଚାରୀ,ଷ୍ଟାଫ ଏଥିରେ ଅଂଶଗ୍ରହଣ କରିଥିଲେ ।
ରିପୋର୍ଟ : ନିମାଇଁ ଚରଣ ପଣ୍ଡା