ଛତ୍ରପୁର (ସମୃଦ୍ଧ ଓଡିଶା) ଆଜି ଗୋପାଳପୁର ପୋର୍ଟ ସୁପରଭାଇଜରସ୍ ଏଣ୍ଡ ୱାର୍କର୍ସ ୟୁନିୟନର ପୂର୍ବତନ ସଭାପତି ତଥା ଛତ୍ରପୁର ବ୍ଲକର ପୂର୍ବତନ ଅଧ୍ୟକ୍ଷ ଏନ୍ ସିମାଞ୍ଚଳ ରେଡ୍ଡୀଙ୍କ ଶ୍ରାଦ୍ଧ ଦିବସ ୟୁନିୟନର ସଭାପତି ପ୍ରଶାନ୍ତ ପାଟ୍ଟଯୋଶୀଙ୍କ ଅଧ୍ୟକ୍ଷତାରେ ୟୁନିୟନ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି । ସ୍ୱର୍ଗତ ରେଡ୍ଡୀଙ୍କ ଶ୍ରାଦ୍ଧ ଦିବସ ଅବସରରେ ତାଙ୍କର ଗୁଣାବଳୀ ଓ କାର୍ଯ୍ୟ ଦକ୍ଷତା ଉପରେ ଆଲୋଚନା କରିଥିଲେ । ଆଲୋଚନା ଅବସରରେ ସ୍ୱର୍ଗତ ସାଥି ବୃନ୍ଦାବନ ପଲେଇ, ପ୍ରଭାତ ମିଶ୍ର, ପ୍ରଫେସର ଦୁର୍ଗା ପ୍ରସାଦ ନାୟକ, ମହିଳା ସମାଜ ସେବୀ ମନୋରମା ମହାପାତ୍ର, ବି. ରାଜା ରାଓ ସାଥିମାନଙ୍କ ବିୟୋଗରେ ୧ ଏକ ମିନିଟ ନିରବ ପ୍ରାର୍ଥନା କରାଯାଇଥିଲା । ସେପ୍ଟେମ୍ବର ୨୭ ତାରିଖ “ଭାରତ ବନ୍ଦ”କୁ ସଫଳ କରିବା ପାଇଁ ସାଥି ପ୍ରଦୀପ ସେଠୀ, ବି. ବୈରାଗୀ ରେଡ୍ଡୀ, ଯୁଗଳ ଦାଶ, ରାମେଶ୍ବର ନାୟକ, ରବି ପ୍ରଧାନ, ମାଗୁଣି ବିଷୋୟୀ, ସିକନ୍ଦର ଖାଁ, କାମଦେବ ନାହାକ, ପଙ୍କଜ ସେଠୀ, ସିଏଚ. କ୍ରିଷ୍ଣା ରେଡ୍ଡୀ, ସୁଦର୍ଶନ ରାଉଳ, ଅଳକନାଥ ମିଶ୍ର, ଜି. କାନକା ରେଡ୍ଡୀ, ଶବର ଦାଶ, ଏନ୍. ତାରିଣେୟା ରେଡ୍ଡୀ ପ୍ରମୁଖ ସାଥି ଯୋଗଦେଇ ସଫଳ କରିବା ପାଇଁ ଆହ୍ୱାନ କରିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
