ଢେଙ୍କାନାଳ (ସମୃଦ୍ଧ ଓଡିଶା) ଓଡ଼ିଆ ବ୍ୟଙ୍ଗ ସାହିତ୍ୟ ସାମ୍ରାଜ୍ୟ ଢେଙ୍କାନାଳ ମାଟିର ଗୌରବ ହାସ୍ୟବିଦୁଷୀ ପଙ୍କଜିନୀ ଦାଶଙ୍କ ଏକାଦଶାହ ତିଥିରେ ଏକ ”ସ୍ମୃତି ତର୍ପଣ” ଢେଙ୍କାନାଳ କଲ୍ୟାଣ ପଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ସନ୍ଧ୍ୟାତାରା ସାହିତ୍ୟ ସଂସଦ ତରଫରୁ ଆୟୋଜିତ କରାଯାଇଥିଲା । ଏହି କାର୍ଯ୍ୟକ୍ରମରେ ଓଡ଼ିଶାର ସାହିତ୍ୟ ଏକାଡେମୀର ପୂର୍ବତନ ସଭାପତି ହୁସେନ ରବି ଗାନ୍ଧି, ଓଡ଼ିଶାର ବିଶିଷ୍ଟ ବ୍ୟଙ୍ଗ କବି ଜ୍ଞାନ ହୋତା ଏବଂ ବିଶିଷ୍ଠ ସାହିତ୍ୟିକ ମାଧବ ଚନ୍ଦ୍ର ସ୍ୱାଇଁ ପ୍ରମୁଖ ଯୋଗ ଦେଇଥିଲେ । ସନ୍ଧ୍ୟାତାରା ସାହିତ୍ୟ ସଂସଦ ତରଫରୁ ଆୟୋଜିତ ଏହି କାର୍ଯ୍ୟକ୍ରମର ପ୍ରାରମ୍ଭରେ କବିତା ପାଠ, ଗୀତ ପାଠ ପଠନ କରାଯାଇଥିଲା । ଏହି କାର୍ଯ୍ୟକ୍ରମଟିକୁ ସନ୍ଧ୍ୟାତାରା ସାହିତ୍ୟ ସଂସଦର ବରିଷ୍ଠ ସଦସ୍ୟ ଶରତ କୁମାର ମିଶ୍ର ଭରଦ୍ୱାଜ ପରିଚାଳନା କରିଥିଲେ । ଏହି ଅବସରରେ ସ୍ୱର୍ଗତା ପଙ୍କଜିନି ଦାଶଙ୍କ ଉଦ୍ଦେଶ୍ୟରେ ଏକ ସ୍ମରଣିକା ଉନ୍ମୋଚିତ କରାଯାଇଥିଲା । ଏହି କାର୍ଯ୍ୟକ୍ରମରେ ବହୁ ମାନ୍ୟଗଣ ବ୍ୟକ୍ତି ଅଂଶ ଗ୍ରହଣ କରିଥିଲେ ।
ରିପୋର୍ଟ : ଶୁଭମ କୁମାର ପାଣି
