ଗଞ୍ଜାମ (ସମୃଦ୍ଧ ଓଡିଶା) ଗଞ୍ଜାମ ବ୍ଲକ ଅନ୍ତର୍ଗତ ହୁମ୍ମା ସଲଟ ମହାବିଦ୍ୟାଳୟ ପରିସରରେ ବିଜୁ କନ୍ୟାରତ୍ନ କର୍ମଶାଳା ଅନୁଷ୍ଠିତ ହୋଇଯାଇଛି । ଅଧ୍ୟାପକ ଗୌରହରି ବେହେରାଙ୍କ ପୌରହିତ୍ୟରେ ଏହି କର୍ମଶାଳାକୁ ମହାବିଦ୍ୟାଳୟର ଅଧ୍ୟକ୍ଷ ନିରଞ୍ଜନ ରଥ ଉଦଘାଟନ କରିଥିଲେ । ଅତିଥି ରୂପେ ଗଞ୍ଜାମ ଜିଲ୍ଲା ଶିଶୁ ସୁରକ୍ଷା ମଞ୍ଚର ସହ-ସଂଯୋଜକ କାମେଶ୍ୱର ପରିଡା, ଜିଲ୍ଲାସ୍ତରୀୟ ତାଲିମଦାତା ଏସ. ନାଗରାଜ ରେଡ୍ଡୀ ଯୋଗଦେଇ କନ୍ୟା ଭୃଣ ହତ୍ୟା, ନାରୀ ନିର୍ଯ୍ୟାତନା, ନାରୀ ଅନୁପାତ ହ୍ରାସକୁ ପରିମାଣ, ସମ୍ପର୍କରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଭରତ ନାହାକ, ସୁଧୀର କାନ୍ତ ପାଢ଼ୀ, ଅଧ୍ୟାପିକା ବନିତା କୁମାରୀ ଶତପଥୀ, ଶର୍ମିଷ୍ଠା ସାମନ୍ତରା ପ୍ରମୁଖ ନିଜର ବକ୍ତବ୍ୟ ରଖିଥିଲେ । ଏହାକୁ କ୍ରୀଡା ଅଧ୍ୟାପକ ଵାବୁନି ନାୟକ, ଜଗଦୀଶ ବିଶ୍ୱାଳ, ମୋହନ ପଣ୍ଡା, ବିନାୟକ ସାହୁ, ବିଜୟ କୁମାର ସାହୁ ପ୍ରମୁଖ ପରିଚାଳନା କରିଥିଲେ . ଶେଷରେ ଉପସ୍ଥିତ ବିଦ୍ୟାର୍ଥୀଙ୍କୁ ଶପଥ ପାଠ କରାଯାଇଥିଲା ।
ରିପୋର୍ଟ : ନିମାଇଁ ଚରଣ ପଣ୍ଡା