ବ୍ରହ୍ମପୁର (ସମୃଦ୍ଧ ଓଡିଶା) ୧୧ ଲିଟର ମଦ ଜବତ ସହ ଜଣେ ବ୍ୟକ୍ତିଙ୍କୁ ସଦରଥାନା ପୋଲିସ ପକ୍ଷରୁ ଗିରଫ କରାଯାଇଥିବା ସୂଚନା ମିଳିଛି । ସୂଚନା ଅନୁଯାୟୀ ବେନ୍ଦାଳିଆ ଗ୍ରାମର ରବୀନ୍ଦ୍ର ସାହୁ(୫୫) ନାମକ ଜଣେ ବ୍ୟକ୍ତି ଆଜି କୋଭିଡ଼ ଗାଇଡ୍ ଲାଇନକୁ ଅବମାନନା କରିବା ସହ ସଟ୍ ଡାଉନର ସୁଯୋଗ ନେଇ ବେଆଇନ ଭାବେ ବିକ୍ରି କରିବା ପାଇଁ ପ୍ରାୟ ୧୧ଲିଟର ବିଦେଶୀ ମଦ କନିସି ଅଞ୍ଚଳରୁ ନିଜ ଗ୍ରାମକୁ ଆଣୁଥିବା ସମୟରେ ସଦର ଥାନା ପୋଲିସ ହାବୁଡ଼ରେ ପଡି ଗିରଫ ହୋଇଥିବା ଜଣାପଡିଛି । ଏହାସହ ସେ ବ୍ୟବହାର କରୁଥିବା OR-07-Z-2856 ନମ୍ବର ବିଶିଷ୍ଟ ହୋଣ୍ଡା ସିଡି ଡିଲକ୍ସ ମୋଟର ସାଇକେଲ ମଧ୍ୟ ଜବତ କରାଯାଇଥିବା ଜଣାଯାଇଛି । ତେବେ ଅଭିଯୁକ୍ତ ରବୀନ୍ଦ୍ର ବିରୋଧରେ ସଦର ଥାନା କେସ ନଂ-୧୪୩/୨୧ପ୍ରକାରେ u/s- ୧୮୮ IPC/୫୨(a) ଓଡ଼ିଶା ଏକ୍ସସାଇଜ ଆକ୍ଟ ଅନୁସାରେ ଦୋଷୀକୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ସଦର ଥାନା ଅଧିକାରୀ ମହେନ୍ଦ୍ର କୁମାର ସାହୁ ।
