ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନା ଅନ୍ତର୍ଗତ ୨ କାର୍ଯ୍ୟରତ ଗ୍ରାମରକ୍ଷୀଙ୍କୁ ସେମାନଙ୍କ କୋଭିଦ୍ ଡ୍ୟୁଟି ପାରିଶ୍ରମିକ ମିଳୁ ନ ଥିବାର ଅଭିଯୋଗ ହୋଇଛି । ପଶ୍ଚିବାର୍ଡ ପଞ୍ଚାୟତର ଦେବ କୁମାର ଗାଁ’ର ସୁବଲ କୁମାର ଜେନା ନାମ୍ପୋ ଫାଣ୍ଡିର ଜଣେ ଗ୍ରାମରକ୍ଷୀ । ନାମ୍ପୋ ପୋଲିସ୍ ଏଏସ୍ଆଙ୍କ ନିର୍ଦ୍ଦେଶେରେ ସେ ଗତ ୩-୫-୨୦ରୁ ବାଇଗଣବାଡି ଆସ୍ଥିତ ସୁରେନ୍ଦ୍ରନାଥ ହାଇସ୍କୁଲରେ ହୋଇଥିବା ଟିଏମ୍ସିରେ କାର୍ଯ୍ୟ କରି ଆସୁଛନ୍ତି । ଅଦ୍ୟାବଧି ସେ ତାଙ୍କର ପାରିଶ୍ରମିକ ପାଇନଥିବା ବେଳେ ସରପଂଚ ଓ ନୋଡାଲ ଅଫିସରକଙ୍କୁ ପଚାରିଲେ ସେମାନେ ନିର୍ଦ୍ଦିଷ୍ଟ ଉତ୍ତର ଦେଉନଥିବା କହିଛନ୍ତି । ସେହିପରି ଜଳେଶ୍ୱର ଥାନା ଅଧିକାରୀଙ୍କ ନିର୍ଦ୍ଦେଶରେ ଗ୍ରାମରକ୍ଷୀ ବେଣୁଧର ନାୟକ ଗତ ୮-୫-୨୦ରୁ ୧୫-୬-୨୦ ପର୍ଯ୍ୟନ୍ତ କୌଳାଶ ଚନ୍ଦ୍ର ବାଳିକା ବିଦାଳୟରେ ହୋଇଥିବା କୋଭିଦ୍ କେନ୍ଦ୍ରରେ କାଯ୍ୟ କରିଥିଲେ ମଧ୍ୟ ତାଙ୍କୁ ସରପଂଚ କିମ୍ବା ନୋଡାଲ ଅଫିସର କୌଣସି ପାରିଶ୍ରମିକ ଦେଇନଥିବା ସଂପର୍କରେ ଅରଜି ବିଡିଓଙ୍କ ନିକଟରେ ଅଭିଯୋଗ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା