ହିଞ୍ଜିଳିକାଟୁ (ସମୃଦ୍ଧ ଓଡିଶା) ହିଞ୍ଜିଳିକାଟୁ ଥାନା ଅନ୍ତର୍ଗତ ଵରପଲ୍ଲୀ ଗ୍ରାମ ଡାଲଖାଇ ମନ୍ଦିର ନିକଟରେ ଗତ ରଵିବାର ସନ୍ଧ୍ୟାରେ ୨ ବାଇକ୍ ମୁହାଁମୁହିଁ ଧକ୍କା ହୋଇଥିଲା । ଫଳରେ ଜଣଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଜଣଙ୍କ ମେଡିକାଲରେ ମୃତ ଘଟିଥିଲା ଓ ଜଣେ ଗୁରୁତର ହୋଇଥିଲେ । ସେମାନେ ହେଲେ ଵ୍ରହ୍ମପୁର ସଦରଥାନା ଅନ୍ତର୍ଗତ ସିକୁଳିପଲ୍ଲିର ଏସ୍ ସୁନୀଲ (୩୮) ଓ ହିଞ୍ଜିଳିକାଟୁ ଥାନା ଅନ୍ତର୍ଗତ ମକରଝୋଳ ଗ୍ରାମର ଜି. ଗୁଜୁରୀ ମୋହନ (୪୦) ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ବ୍ରହ୍ମପୁର ସଦରଥାନା ଅନ୍ତର୍ଗତ ଲକ୍ଷ୍ମୀ ନାରାୟଣପୁରର ଏସ୍ କୃଷ୍ଣଙ୍କ ପୁଅ ଆଶିଷ (୧୪)ଗୁରୁତର ହୋଇଥିଲେ । ଏସ୍ ସୁନୀଲ୍ ବାଇକ୍ ଯୋଗେ ଵ୍ରହ୍ମପୁର ଯାଉଥିବା ବେଳେ ଵିପରୀତ ଦିଗରୁ ଜି. ମୋହନ ଓ ଆଶିଷ ବାଇକ୍ ଯୋଗେ ଆସୁଥିବା ବେଳେ ବରପଲ୍ଲୀ ଠାରେ ମୁହଁ ମୁହିଁ ଧକ୍କା ହୋଇଥିଲା । ଘଟଣା ସ୍ଥଳରୁ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ଵୁଲାନ୍ସ ଯୋଗେ ଵ୍ରହ୍ମପୁର ବଡ଼ ମେଡିକାଲକୁ ପଠାଇ ଦେଇଥିଲେ । ସେଠାରେ ଡାକ୍ତର ସୁନୀଲଙ୍କୁ ମୃତ୍ୟୁ ଘୋଷଣା କରିଥିଲେ । ଆଶିଷଙ୍କ ଅବସ୍ଥା ଗୁରୁତର ଥିବାରୁ କଟକ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା