ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ତହସିଲ ପରିସରରେ କିଛିବର୍ଷ ତଳେ ଜନସାଧାରଣଙ୍କ ସୁବିଧା ପାଇଁ ୨ଟି ଦୋକାନଘର ସାଂଗକୁ ଗୋଟିଏ ଥଣ୍ଡା ପାନୀୟ ଜଳ ପ୍ରକଳ୍ପ ୩ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିଲା । ମାତ୍ର ପ୍ରବଳ ଗ୍ରୀଷ୍ମଋତୁ ସମୟରେ ଜନସାଧାରଣ ଟୋପାଏ ପାଣି ନ ପାଇ ହନ୍ତସନ୍ତ ହେଉଥିବା ବେଳେ ଏହି ୨ଟି ଦୋକାନଘର ନେଇଥିବା ଦୋକାନୀମାନେ ଉକ୍ତ ପ୍ରକଳ୍ପସ୍ଥାନଟିକୁ କବଜାରେ ରଖି ତାହାକୁ ଗୋଦାମ ଘର ଭାବେ ବ୍ୟବହାର କରୁଛନ୍ତି । ଏପରିକି ସେମାନେ ଉଭୟପଟୁ ବେଆଇନ୍ ଭାବେ ଜାଲି ଲଗାଇ ନିଜ ନିଜ ଅକ୍ତିଆରକୁ ନେଇଛନ୍ତି । ତହସିଲ ପରିସରରେ ଏହିପରି ବେଆଇନ୍ କାର୍ଯ୍ୟ ସଂପୃକ୍ତ ଦୋକାନୀ ଦ୍ୱୟ କରିଚାଲିଥିବା ବେଳେ ତହସିଲଦାର, ପୌରନିର୍ବାହୀ ଅଧିକାରୀ ଓ ରାଜସ୍ୱ ନିରିକ୍ଷକ ଏବାବଦରେ ଚୁପ୍ ହୋଇ ବସିବା ସମସ୍ତଙ୍କୁ ଆଶ୍ଚର୍ଯ୍ୟନ୍ନିତ କରିଛି । ଏହି ଘଟଣାରେ ବାଲେଶ୍ୱର ଜିଲାପାଳ ଓ ବ୍ରିଟ୍ ଅଧ୍ୟକ୍ଷ ସବିଶେଷ ତଦନ୍ତ କରି ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବୀ ହୋଇଛି ।
ରିପୋର୍ଟ : ଭୂପତି କୁମାର ପରିଡ଼ା
