ଛତ୍ରପୁର (ସମୃଦ୍ଧ ଓଡିଶା) ଗତକାଲି ଗଞ୍ଜାମ ପୋଲିସ ଜିଲାରେ କାର୍ଯ୍ୟରତ ୪ ପୋଲିସ କର୍ମଚାରୀଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମ ଛତ୍ରପୁରସ୍ଥିତ ପୋଲିସ ମୁଖ୍ୟାଳୟରେ ଅନୁଷ୍ଠିତ କରାଯାଇଥିଲା । ଏଥିରେ ଶେରଗଡ ଥାନା ହାବିଲଦାର ଜଗବନ୍ଧୁ ସ୍ୱାଇଁ, ହିଞ୍ଜିଳି ଥାନା କନେଷ୍ଟବଳ ସିମାଞ୍ଚଳ ଶତପଥି, ଚମାଖଣ୍ଡି ଥାନା କନେଷ୍ଟବଳ ଶଶୀଭୂଷଣ ବେହେରା ଓ ଛତ୍ରପୁର ଥାନା କନେଷ୍ଟବଳ ରାମ ଚନ୍ଦ୍ର ବେହେରାଙ୍କୁ ଏସପି ବ୍ରିଜେଶ କୁମାର ରଏ ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ ଅତିରିକ୍ତ ଏସପି ଠାକୁର ପ୍ରସାଦ ପାତ୍ର ଓ ବିଜୟ କୁମାର ମଲ୍ଲୀକ, ଡିଏସପି ସାମୁଏଲ ପ୍ରଧାନ ଓ ଡିଏସପି ସୀମା ସ୍ୱାଇଁ, ଆସିଷ୍ଟାଣ୍ଟ କମାଣ୍ଡାଂଟ ମାନଓ ରଂଜନ ମହାନ୍ତି, ସର୍ଜନ ସଞ୍ଜୟ କୁମାର ବାରିକ ଓ ବିବେକାନନ୍ଦ ନାୟକ, ଏ.ରାବଣା ରାଓ ପ୍ରମୁଖ ଉପସ୍ଥିତ ରହିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା