ହିଞ୍ଜିଳି (ସମୃଦ୍ଧ ଓଡିଶା) ହିଞ୍ଜିଳି-ଶାସନ ଆମ୍ବଗାଁ ରାସ୍ତାରେ ଏକ ମୋଟର ସାଇକେଲରୁ ପୋଲିସ ବିପୁଳ ପରିମାଣର ବିଦେଶୀ ମଦ ଜବତ କରିଥିବା ସୂଚନା ମିଳିଛି । ସୂଚନା ପ୍ରକାରେ ଏକ ବାଇକରେ ବିପୁଳ ପରିମାଣର ବିଦେଶୀ ମଦ ଚୋରା ଚାଲାଣ ହେଉଥିବା ହିଞ୍ଜିଳି ଥାନା ଅଧିକାରୀ ଖବର ପାଇ ବାଇକର ପିଛା କରି ଆମ୍ବଗାଁ ନିକଟରେ ବାଇକକୁ ଅଟକାଇ ବାଇକକୁ ଯାଞ୍ଚ କରିଥିଲା । ବାଇକ ଯାଂଚ ସମୟରେ ସେଥିରୁ ନାମିଦାମୀ କମ୍ପାନୀର ସମୁଦାୟ ୬୬ ଲିଟର ବିଦେଶୀ ମଦ ଜବତ ହୋଇଥିବା ଜଣାପଡିଛି । ଏହି ଘଟଣାରେ ପୋଲିସ ଶାସନ ଆମ୍ବଗାଁର ଶିବରାମ ପଲେଇକୁ ଗିରଫ କରି କେଶ ନଂ ୧୧୨/୧୯ ମାମଲା ରୁଜୁ କରାଯାଇଥିବା ଥାନା ଅଧିକାରୀ ଅଭିମନ୍ୟୁ ଦାସ ସୂଚନା ଦେଇଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା