ଗଞ୍ଜାମ (ସମୃଦ୍ଧ ଓଡିଶା) ରାଜସ୍ଥାନର ଜୟପୁର ଠାରେ ଫେବୃଆରୀ ମାସ ୨୭ ତାରିଖ ଠାରୁ ମାର୍ଚ୍ଚ ୩ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ୬୭ତମ ଜାତୟୀ ସ୍ତରୀୟ ବଡ଼ିବିଲଡ଼ିଙ୍ଗ୍ ପ୍ରତିଯୋଗିତାରେ ୭୫ କେଜିରେ ଜିତେଶ୍ ଭାଗ ନେଇ ସ୍ୱର୍ଣ୍ଣପଦକ ହାସଲ କରିଛନ୍ତି । ଜିତେଶ୍ ଗଞ୍ଜାମ ସହରର ବଡ଼ବଜାର ହରିଜନ ସାହିର ବାସିନ୍ଦା ତଥା ଜିଲ୍ଲା ଭଲିଣ୍ଟରି ଫୋର୍ସ (ଡ଼ିଭିଏଫ୍) ଛତ୍ରପୁରରେ କନେଷ୍ଟବଳ ରୂପେ କାର୍ଯ୍ୟରତ । ସର୍ବଭାରତୀୟ ସ୍ତରରେ କୃତିତ୍ୱ ହାସଲ କରିବାରେ ଜିତେଶ ଗଞ୍ଜାମ ସହରର ପ୍ରଥମ ବ୍ୟକ୍ତିତ୍ୱ ହୋଇଥିବାରୁ ଅଞ୍ଚଳବସିଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି । ଏହା ପୂର୍ବରୁ ସେ ଜିଲ୍ଲା, ରାଜ୍ୟ ଅନ୍ତଃର୍ଜାତୀୟ ସ୍ତରୀୟ ପ୍ରତିଯୋଗିତାରେ ଭାଗ ନେଇ ସ୍ୱର୍ଣ୍ଣପଦକ ହାସଲ କରିଥିବା ଖବର ଜଣାପଡିଛି । ପେଶାରେ ପୋଲିସ ବିଭାଗରେ କାର୍ଯ୍ୟ କରି ନିଜର ଦକ୍ଷତା ଦେଖାଇଥିବା ବେଳେ ନିଶାରେ ଏଭଳି କୃତିତ୍ୱ ଅର୍ଜନ କରି ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ତାଙ୍କର ଏଭଳି ସଫଳତା ପାଇଁ ବିଭିନ୍ନ ବର୍ଗରୁ ବିଭିନ୍ନ ବ୍ୟକ୍ତିମାନେ ଶୁଭେଚ୍ଛା ଜ୍ଞାପନ କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
