ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଅଟଳଜୀ ସ୍ମୃତି କମିଟି ପକ୍ଷରୁ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ଜନ୍ମ ଦିବସ ପାଳନ ସହ ସୁଶାସନ ଦିବସ ଓ ସ୍ମୃତିଚାରଣ ସଭା ସ୍ଥାନୀୟ ପୂର୍ତ ବିଭାଗ ଡାକ ବଙ୍ଗଳା ପରିସରରେ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି । ବିଜେପି ଜିଲ୍ଲା ଉପସଭାପତି ଅରୁଣ କୁମାର ବେଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଅରବିନ୍ଦ ଦାସ, ଡଃସୁଧାଂଶୁ ଶେଖର ପରିଡା, ଧ୍ରୁବ ଚରଣ ନାୟକ, ପୁରସ୍ତମ ପାଳ,ଗଦାଧର ସିଂ, ଶ୍ୟାମା ପ୍ରସାଦ ବେହେରା, ନନୀ ଗୋପାଳଦାସ, କାହ୍ନୁ ଚରଣ ଦାସ, ବାସୁଦେବ ପ୍ରମୁଖ ଯୋଗଦେଇ ସ୍ୱର୍ଗତ ବାଜପେୟୀଙ୍କ ସ୍ମୃତିଚାରଣ କରିବା ସଙ୍ଗେ ସଙ୍ଗେ ତାଙ୍କପ୍ରଧାନମନ୍ତ୍ରୀତ୍ୱ ସମୟରେ ସ୍ୱର୍ଣ୍ଣ ଚତୁର୍ଭୂଜ ଜାତୀୟ ରାଜପଥ ନିର୍ମାଣ କରିବା ସମେତ ବହୁ ଉନ୍ନୟନମୂଳକ ଓଜନ ହିତକର କାର୍ଯ୍ୟ ସଂପର୍କରେ ଆଲୋଚନା କରିଥିଲେ । ପ୍ରାରମ୍ଭରେ ସ୍ୱର୍ଗତ ବାଜପେୟୀଙ୍କ ଫଟୋଚିତ୍ରରେ ଦଳୀୟକର୍ମୀମାନେ ପୁଷ୍ପମାଲ୍ୟ ଅର୍ପଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା