ଜଳେଶ୍ୱର (ସମୃଦ୍ଧ ଓଡିଶା) ୬୦ନଂ ଜାତୀୟ ରାଜପଥର ନନ୍ଦିକା ବାଇପାସ୍ ସାଇ ହୋଟେଲ ନିକଟରେ ଗତକାଲି ମଧ୍ୟରାତ୍ରିରେ ଏକ ଗୋରୁ ବୋଝେଇ ଅଟୋ ସହିତ ଏକ ଯାତ୍ରୀବାହୀ ବସ୍ର ମୁହାଁମୁଡି ଧକ୍କା ହେବାଫଳରେ ଏକ ନାବାଳକ ମୃତ୍ୟୁ ହେବା ସହିତ ୨ଜଣ ବ୍ୟକ୍ତି ଗୁରୁତର ହୋଇ ଚିକିତ୍ସାପାଇଁ କଟକ ସ୍ଥାନାନ୍ତର ହେବା ସହିତ ୨ଟି ଗୋରୁ ମଧ୍ୟ ମରିଯାଇଛି । ପ୍ରାପ୍ତ ସୂଚନା ଅନୁଯାୟୀ ଜଣେ ଗୋରୁ ବେପାରୀ ଅନ୍ୟଜଣେ ସହଯୋଗୀ ଓ ଜଣେ ନାବାଳକ ସହିତ ଗୋରୁ ନେଇ ପଶ୍ଚିମବଂଗର ସୂନାକଣିଆ ହାଟକୁ ବିକ୍ରିକରିବାକୁ ଯାଉଥିବା ବେଳେ ବିପରିତ ଦିଗରୁ ଆସୁଥିବା ବସ୍ ସହିତ ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ପଶ୍ଚିମବାର୍ଡର ଅମିରୁଦ୍ଧିନ ସାହା(୧୩) ପିତା ହୁସେନ୍ ସାହା ଘଟଣାସ୍ଥଳରେ ମୁତ୍ୟବରଣ କରିଥିବା ବେଳେ ସେଥିରେ ଥିବା ଅନ୍ୟ ୨ଜଣ ମଧ୍ୟ ଗୁରୁତର ହୋଇଥିଲେ । ଅଟୋରେ ଯାଉଥିବା ୪ଟି ଗୋରୁ ମଧ୍ୟରୁ ୨ଟି ଗୋରୁ ମରିଯିବା ସହିତ ଅଟୋଟି ରାସ୍ତାଗଡକୁ ଓଲଟି ପଡିଥିଲା । ଉକ୍ତ ଅଟୋଟିର ନମ୍ବର ଓଡି୦୧କ୍ୟୁ-୪୧୮୨ ବୋଲି ଜଣାଯାଇଛି ।
ରିପୋର୍ଟ : ଭୂପତି କୁମାର ପରିଡା