ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା ରାସ୍ତା କଡର ଗରିବ ଭିକାରୀ ତଥା ଏକ ବଡ଼ ଧରଣର ରୋଗରେ ପୀଡିତ ବ୍ୟକ୍ତିଙ୍କୁ ରାସ୍ତାରୁ ଉଦ୍ଧାର କରି ଆମ୍ବୁଲାନ୍ସ ଡାକି ମେଡିକାଲ ନେବାର ବ୍ୟବସ୍ଥା କରିଥିବା ଜଣାପଡିଛି । ଗତକାଲି ଡୁଡୁମା କଲୋନୀ ନିକଟରେ ଜଣେ ଗରିବ ଅସହାୟ ବ୍ୟକ୍ତି ରାସ୍ତା କଡରେ ରହି ଅସହ୍ୟ ଯନ୍ତ୍ରଣାରେ ଛଟପଟ ହେଉଥିବା ଖବର ବିଧାୟକ ବିକ୍ରମ କୁମାର ପଣ୍ଡା ପାଇଥିଲେ । ଏହାପରେ ତୁରନ୍ତ ସେ ବିଳମ୍ବ ନ କରି ତୁରନ୍ତ ସେ ସ୍ଥାନକୁ ଆମ୍ବୁଲାନ୍ସକୁ ଡାକି ଏମକେସିଜି ହସ୍ପିଟାଲକୁ ପଠାଇବା ବ୍ୟବସ୍ଥା କରିଥିଲେ । ପରେ ତାଙ୍କ କାର୍ଯ୍ୟାଳୟର ଗିରିଜାଙ୍କୁ ମେଡିକାଲ ଯାଇ ଘଟଣା ବିଷୟରେ ବୁଝିବା ସହ ଆବଶ୍ୟକୀୟ ସୁବିଧା କରିବା ପାଇଁ ତାଙ୍କୁ ନିର୍ଦ୍ଦେଶ ଦେଇଥିଲେ । ଏହାପରେ ରୋଗୀର ଚିକିତ୍ସା ଆରମ୍ଭ କରାଯାଇଥିଲା । ବର୍ତ୍ତମାନ ସେ ମେଡ଼ିକଲରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି ।
