ବ୍ରହ୍ମପୁର(ସମୃଦ୍ଧ ଓଡିଶା)ଆଇଏଏସ ପରୀକ୍ଷା ଫଳ ପ୍ରକାଶ ପାଇଛି।ସେଥିରେ ୧୬୨ସ୍ଥାନରେ ବ୍ରହ୍ମପୁରର ଦୁର୍ଗାପ୍ରସାଦ ଅଧିକାରୀ ରହିଥିବାରୁ ଆଜି ତାଙ୍କୁ ସମ୍ବର୍ଦ୍ଧନା କରାଯାଇଛି। ପରୀକ୍ଷାରେ ୧୬୨ତମ ସ୍ଥାନ ଅଧିକାର କରିଥିବା ଦୁର୍ଗାପ୍ରସାଦ ଅଧିକାରୀଙ୍କୁ ସମ୍ବର୍ଦ୍ଧିତ କରିବା ଅବସରରେ ସେ ବ୍ରହ୍ମପୁରର ଗର୍ବ ଓ ଗୌରବ ବୋଲି ନେତୃମଣ୍ଡଳୀ କହିଥିଲେ । ସେ ବ୍ରହ୍ମପୁର ଟାଉନହଲ ପରିସରରେ ଥିବା ଇ-ପାଠାଗାରର ଉର୍ନତିକରଣ, ରାତ୍ରିଯାପନ ତଥା ଖାଇବା ବ୍ୟବସ୍ଥା ବିଷୟରେ ଆଲୋଚନା କଲେ। ବ୍ରହ୍ମପୁର ଟାଉନହଲଠାରେ ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ, ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ରାଜ୍ୟ ଯୋଜନା ବୋର୍ଡ ସଦସ୍ୟ ତଥା ଗଞ୍ଜାମ ଜିଲ୍ଲା ବିଜେଡ଼ି ସଭାପତି ଡ଼ାକ୍ତର ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ବ୍ରହ୍ମପୁର ମେୟର ଶ୍ରୀମତୀ ସଂଘମିତ୍ରା ଦଳେଇ, ଉପ ମେୟର ଇ. ବିବେକ ରେଡ୍ଡୀ , ମହାନଗର ନିଗମ ଆୟୁକ୍ତ ଜେ. ସୋନାଲ, ଉପ ଆୟୁକ୍ତଙ୍କ ସମେତ ମହାନଗର ନିଗମର ବହୁ କର୍ପୋରେଟର, ପଦାଧିକାରୀ ତଥା ବିଭାଗୀୟ କର୍ମଚାରୀ ଉପସ୍ଥିତ ଥିଲେ । (ବ୍ରହ୍ମପୁରରୁ ନିମାଇ ଚରଣ ପଣ୍ଡାଙ୍କ ରିପୋର୍ଟ)
