ଆସିକା (ସମୃଦ୍ଧ ଓଡିଶା) ଯୋଗାଣ ହୋଇଥିବା ଆଖୁର ସମ୍ପର୍ଣ୍ଣ ପ୍ରାପ୍ୟ ତୁରନ୍ତ ପୈଠ କରିବା ନିମନ୍ତେ ଆସିକା ଚିନିଶିଳ୍ପ ପରିଚାଳନା ନିର୍ଦ୍ଦେଶକଙ୍କୁ ଗଞ୍ଜାମ ଜିଲ୍ଲା ଆଖୁ ଚାଷୀ ସଂଘ ପକ୍ଷରୁ ଦାବି ପତ୍ର ପ୍ରଦାନ କରାଯାଇଛି । ବର୍ଷ ତମାମ ମୁଣ୍ଡର ଝାଳ ତୁଣ୍ଡରେ ମାରି ଧାର ଉଧାର କରି ଚାଷୀମାନେ ଆଖୁ ଚାଷ କରିଥିଲେ । ଚିନି ଶିଳ୍ପ କମ୍ପାନୀକୁ ଆଖୁ ବିକ୍ରି କରି ଦୁଇ ପଇସା ପାଇଲେ କରିଥିବା ଋଣ ଶୁଝିବା ସହ ବଞ୍ଚିବାର ରାହା ତୁଲାଇବେ ବୋଲି ଭାବିଥିଲେ । କିନ୍ତୁ ଦେଖୁ ଦେଖୁ ୩ ମାସ ବିତି ଯାଇଥିଲେ ସୁଦ୍ଧା ନିଜର ପ୍ରାପ୍ୟ ନ ପାଇ ଚାଷୀମାନେ ହତାଶ ହୋଇ ସାରିଲେଣି । ଉତ୍ପର୍ଣ୍ଣ ଆଖୁ ଗତ ଫେବୃଆରୀ ୭ ତାରିଖରୁ ଯୋଗାଣ କରିଥିବା ସତ୍ତ୍ୱେ ଆଜି ସୁଦ୍ଧା ଆଖୁର ପ୍ରାପ୍ୟ ସଂପୂର୍ଣ୍ଣ ଭାବେ ମିଳିଲା ନାହିଁ ବୋଲି ଚାଷୀମାନେ ଅଭିଯୋଗ କରିଛନ୍ତି । ଆଖୁ ଯୋଗାଣର ଏକ ମାସ ମଧ୍ୟରେ ପ୍ରାପ୍ୟ ଦେବାର ଚୁକ୍ତିନାମ ଥିବା ଓ ମାସରୁ ଅଧିକା ହେଲେ ବ୍ୟାଙ୍କ ସୁଧ ସହ ପ୍ରାପ୍ୟ ପ୍ରଦାନ କରିବା ରହିଥିଲେ ସୁଦ୍ଧା ମୂଳ ଧନର ମାତ୍ର ୭୦% ପ୍ରାପ୍ୟ ଯୋଗାଣ କରି ଚୁପ ହୋଇ ବସିଛନ୍ତି । ଅତଏବ ଯୋଗାଣ ଆଖୁର ସମ୍ପୂର୍ଣ୍ଣ ପ୍ରାପ୍ୟ ତୁରନ୍ତ ଚାଷୀକୁ ଦେବାର ବ୍ୟବସ୍ଥା କରାଯିବାକୁ ଦାବୀ କରିଛନ୍ତି । ନଚେତ ଗଞ୍ଜାମ ଜିଲ୍ଲାର ହଜାର ହଜାର ଚାଷୀ ରାଜ ରାସ୍ତାକୁ ଆସିବାକୁ ବାଧ୍ୟ ହେବେ ବୋଲି କହିଛନ୍ତି। .
ରିପୋର : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା