ଜଳେଶ୍ୱର (ସମୃଦ୍ଧ ଓଡିଶା) ପୁରୀ ଗୋବର୍ଦ୍ଧନପୀଠର ପିଠାଧିଶ୍ୱର ଜଗତ୍ ଗୁରୁ ଶଂକରାଚାର୍ଯ୍ୟଙ୍କ ପ୍ରତିଷ୍ଠିତ ଆଦିତ୍ୟବାହିନୀ ଓ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଆନୁକୂଲ୍ୟରେ ଜଳେଶ୍ୱର ଶୋଭା କଲ୍ୟାଣ ମଣ୍ଡପ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି । ଏହି ଶିବରକୁ ଜଳେଶ୍ୱର ଏସଡ଼ିପିଓ ଅଙ୍କିତା କୁମ୍ଭାର ଉଦଘାଟନ କରି ରକ୍ତଦାନ ମହାପୂର୍ଣ୍ଣ ଓ ଟୋପାଏ ରକ୍ତ କାହାରବି ଜୀବନ ରକ୍ଷା କରିପାରେ କହିବା ସହିତ ଶୁଭାରମ୍ଭ କରିଥିଲେ । ବାଲେଶ୍ୱର ଜିଲ୍ଲା କ୍ଷେତ୍ରୀୟ ସଂପାଦକ କୁମାର ସତ୍ୟଜିତ୍ ବେଜ ଏହି କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଅନ୍ୟମାନଙ୍କ ମଧ୍ୟରେ ସମାଜସେବୀ ଅରୁଣ କୁମାର ବେଜ, ଗିରିଜା ଶଙ୍କର କର, ସତ୍ୟବ୍ରତ ପ୍ରମାଣିକ, ଆଶୁତୋଷ ଜେନା, ନିଳକଣ୍ଡ ପାତ୍ର, ଅଶୋକ କୁମାର ବେଜ, ଗୌରଗୋପାଳ ସେଣ, ତପନ କୁମାର ମହାନ୍ତି, ଦିନେଶ ଜେନା, ଡ. ଅଜିତ୍ କୁମାର ମହାନ୍ତି, ଦେବଦତ୍ତ ଦାସ, ମିତ୍ରାରାଣୀ ମହାନ୍ତି ପ୍ରମୁଖ ଉପସ୍ଥିତ ରହି ଶିବିରାର୍ଥୀମାନଙ୍କ ଉତ୍ସାହିତ କରିଥିଲେ । ବାଲେଶ୍ୱର ବ୍ଲଡବ୍ୟାଙ୍କ ଅଫିସର ଡ. ମହେଶ ଚନ୍ଦ୍ର ବିଶ୍ୱାଳ, ସହଯୋଗୀ ଅକ୍ଷୟ କୁମାର ଜେନା, ସ୍ୱାତି ସୁ ଚିତ୍ରା ରାଜ. ଅଜୟ କୁମାର ମହାପାତ୍ର, ବିଦ୍ୟାଧର ସାହୁ ପ୍ରମୁଖ ଏହି ଶିବିର ପରିଚାଳନାରେ ସହଯୋଗ କରିଥିଲେ । ଏଥିରେ ୭୫ ୟୁନିଟ୍ ରକ୍ତ ସଂଗୃହୀତ ହୋଇଥିଲା ।
ରିପୋର୍ଟ : ଭୂପତି କୁମାର ପରିଡା