ଭୁବନେଶ୍ୱର (ସମୃଦ୍ଧ ଓଡିଶା) ଭୁବନେଶ୍ୱର ସ୍ଥିତ ବୀର ସୁରେନ୍ଦ୍ର ସାଏ ନଗର ଦୁର୍ଗା ପୂଜା ମଣ୍ଡପରେ ଉତ୍କଳ ସମ୍ମିଳନୀ ସମାଚାର ପତ୍ରିକା ଆନୁଷ୍ଠାନିକ ଭାବେ ଉନ୍ମୋଚିତ ହୋଇଯାଇଛି । ଉକ୍ତ ସଭାରେ ଉତ୍କଳ ସମ୍ମିଳନୀର ମଞ୍ଚେଶ୍ୱର ଶିଳ୍ପାଞ୍ଚଳ ଶାଖା ସଭାପତି ଦିଲ୍ଲୀପ ଦାଶଶର୍ମା ସଭାପତିତ୍ୱ କରିଥିବାବେଳେ ଅତିଥି ଭାବେ ଯୋଗ ଦେଇ ଉତ୍କଳ ସମ୍ମିଳନୀ ସମାଚାର ପତ୍ରିକାକୁ ଉନ୍ମୋଚନ କରିଥିଲେ ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକ ଓ ଗଙ୍ଗାଧର ମେହେର ପ୍ରତିଷ୍ଠାନର ଅଧକ୍ଷ ମିହିର ମେହେର । ସମାରୋହରେ ପ୍ରଥମେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ ହେବା ସହିତ ଜାମ୍ମୁ କାଶ୍ମୀରରେ ସହିଦ ହୋଇଥିବା ଯବାନ ମାନଙ୍କ ପ୍ରତି ଶ୍ରଧାଞ୍ଜଳି ଜଣାଇବା ସହିତ ଏକ ମିନିଟ ନିରବ ପ୍ରାର୍ଥନା କରାଯାଇଥିଲା । ଶାଖା ଉପ-ସଭାପତି ଶିତଳ ଚନ୍ଦ୍ର ମହାନ୍ତି ଅତିଥୀମାନଙ୍କ ପରିଚୟ ପ୍ରଦାନ କରିଥିବା ବେଳେ ସଂପାଦକ ଗୋବିନ୍ଦ ଚନ୍ଦ୍ର ସୁବୁଦ୍ଧି ଓ ବରିଷ୍ଠ ସଦସ୍ୟ ଡ ଦ୍ୱାରୀକା ନାଥ ମହାନ୍ତି ମଞ୍ଚାସିନ ଥିଲେ । ସମାଚାର ପତ୍ରିକାର ସଂପାଦକ ଇଂ ଶିବ ପ୍ରସାଦ ମିଶ୍ର ଓ ଯୁଗ୍ମ- ସଂପାଦକ ଅଶୋକ ପାଲଟାସିଂହ ଅତିଥୀ ମାନଙ୍କୁ ସମ୍ମାନୀତ କରିଥିଲେ ଅନ୍ୟ ମାନଙ୍କ ମଧ୍ୟରେ ଉପ-ସଭାପତି ପ୍ରତାପ ସ୍ୱାଇଁ, ପ୍ରସନ୍ନ ରଥ, ନିର୍ମଳକାନ୍ତ ମହାନ୍ତି, ଇଂ ନଳିନି ମହାନ୍ତି, ଡ କୁମୁଦ ମିଶ୍ର ଓ ମମତା ବେହେରା ପ୍ରମୁଖ ବହୁ ସଦସ୍ୟ ସଦସ୍ୟା ଉପସ୍ଥିତ ଥବାବେଳେ ଯୁଗ୍ମ- ସଂପାଦକ ବିଭୁତି ଭୁଷଣ ସ୍ୱାଇଁ ଧନ୍ୟବାଦ ଦେଇ ଥିଲେ ।
ରିପୋର୍ଟ : ଆକାଶ ମିଶ୍ର