ଜଳେଶ୍ୱର (ସମୃଦ୍ଧ ଓଡିଶା) କରୋନା ଲକ୍ ଡାଉନ ଫଳରେ ଗତ କିଛିିଦିନ ଧରି ବାଳେଶ୍ୱର ଜିଲାର ରାଇବଣିଆ ଥାନାର ୨୦ଜଣ ଦାଦନ ଶ୍ରମିକ କର୍ଣ୍ଣାଟକର ଉତ୍ତର କର୍ଣ୍ଣଡ ଜିଲାରେ ଅଟକି ରହିଛନ୍ତି । ସହର ତଳି ଅଂଚଳ ଏକ ନିଛାଟିଆ ସ୍ଥାନରେ ପଲିଥିନ ତଳେ କାଳାତିପାତ କରୁଥିବା ବେଳେ ଖାଦ୍ୟ ଓ ପାଣି ଅଭାବରେ ଅତି ଜୟନୀୟ ଜୀବନ ଯାପନ କରୁଥିବାର ସେମାନେ ଲିଖିତ ଭାବେ ଜଣାଇଛନ୍ତି । ଅତିଶ୍ରୀଘ୍ର ପରିବାରବର୍ଗଙ୍କ ନିକଟକୁ ଫେରି ଆସିବାର ସୁବନ୍ଦୋବସ୍ତ କରିବାକୁ ସେମାନେ ବାଲେଶ୍ୱର ଜିଲାପାଳଙ୍କ ନିକଟରେ ନିବେଦନ କରିଛନ୍ତି । ବାଲେଶ୍ୱର ଜିଲାର ଜଳେଶ୍ୱର ବ୍ଲକ ଅନ୍ତର୍ଗତ ରାଇବଣିଆ ଥାନା ଖୁଆଡ ପଂଚାୟତର ପୁରୁଣାପାଣି ଓ ହରିଣାବନ୍ଧ ଗାଁର ୨୦ଜଣ ଅଭିମନ୍ୟୁ ଗାନ୍ଧି, ଚନ୍ଦନ ଜେନା, ରଘୁ ସିଂ, ଝାଡେଶ୍ୱର ମାହନ୍ତଙ୍କ ନେତୃତ୍ୱରେ ସେମାନେ ଗତ କିଛିମାସ ଧରି କର୍ଣ୍ଣଟକର ଉତ୍ତର କର୍ଣ୍ଣଡ ଜିଲା ଓ ଭଟକଲ ତହସିଲର ଭଂଗାରମୁଖୀ କୃସସ୍ଥିତ ଆଇଆର୍ବି ପ୍ଲଣ୍ଟରେ କାର୍ଯ୍ୟକରି ଆସୁଥିଲେ । କିନ୍ତୁ କରେନା ସଂପର୍କରେ ଲକ୍ଡାଉନ୍ ଘଟଣା ସେମାନଙ୍କୁ ଜଣାନଥିଲା । ଏ ସଂପର୍କରେ ଜାଣିବା ପରେ ସେମାନେ ରେଳ ଟିକଟ ଲାଗି ବ୍ୟସ୍ତ ଥିବା ବେଳେ କରୋନାର ଭୟାବହତ ଓ ଟ୍ରେନ୍ ଚଳାଚଳ ବନ୍ଦ ଖବର ପାଇଥିଲେ । ଗତ ୨୨ ତାରିଖରୁ ସେଠାରେ ଅଠକିଥିବା ବେଳେ ଏବେ ସେମାନଙ୍କ ଠାରେ ଅର୍ଥ ନ ଥିବାରୁ ଘରକୁ ଫେରିବା, ଖାଦ୍ୟ ପାଇଁ ଖର୍ଚ୍ଚ କରିବା ଅସମ୍ଭବ ହୋଇଛି । କମ୍ପାୀରେ କାମ ବନ୍ଦ ଥିବାରୁ ସେମାନଙ୍କୁ ଆର୍ଥୀକ ସମହାୟତ ମଧ୍ୟ ମିଳିପାରିନାହିଁ । ତାଙ୍କ ଗାଁ ପୁରୁଣାପାଣି ଅଧିବାସୀ ତଥା ଜଳେଶ୍ୱର ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ତପନ ଦାସ ଆଜି ଏ ସଂପର୍କରେ ବାଲେଶ୍ୱର ଜିଲାପାଳ, ଏହି ଦାହିତ୍ୱରେ ଥିବା ରାଜ୍ୟ ଅଫିସର ସିବାଜି ଚୋପ୍ରା ଓ ଅମିତାଭ ଠାକୁରଙ୍କ ଦୃଷ୍ଟି ଆକର୍ଷଣ କରିଛନ୍ତି । ତାଙ୍କ ପରିବାରବର୍ଗ ଅରାନ୍ଧ ଅବାଢ ଭାବେ କାଳତିପାତ କରୁଥିବାରୁ ଏପରି ଏକ ସମବେଦନଶୀଳ ଘଟଣାରେ ଜିଲାପାଳ ହସ୍ତକ୍ଷେପ କରିବାକୁ ସେ ନିବେଦନ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା
