ଖଲ୍ଲିକୋଟ (ସମୃଦ୍ଧ ଓଡିଶା) ଖଲ୍ଲିକୋଟ ଥାନା ଅନ୍ତର୍ଗତ ନାରାୟଣୀ ଛକ ନିକଟରୁ ଗତକାଲି ମଧ୍ୟାହ୍ନରେ ଏକ କୁଇଣ୍ଟାଲ ଗଞ୍ଜେଇ ସହ ଦୁଇ ଜଣକୁ ଗିରଫ କରିଛି ଖଲ୍ଲିକୋଟ ପୋଲିସ । ଗିରଫ ହୋଇଥିବା ଦୁଇ ଜଣ ହେଲେ ଜିତେନ୍ଦ୍ର ସେଠି ଗ୍ରାମ କୁକୁଦଳା, ଥାନା ତାଳଚେର ଓ ଅନ୍ୟ ଜଣେ ହେଲେ ପ୍ରକାଶ ମାଝୀ, ଗ୍ରାମ ବୁମ, ଥାନା ମୋହନା । ଗଜପତିରୁ ଅନୁଗୁଳ ଅଭିମୁଖେ ଏକ ଇଣ୍ଡିଗୋ କାର(OD35A2704) ଯୋଗେ ଗଞ୍ଜେଇ ଚାଲଣ ହେଉଥିବାର କୌଣସି ସୂତ୍ର ଖଲ୍ଲିକୋଟ ପୋଲିସ ଖବର ପାଇ ନାରାୟଣୀ ଛକ ନିକଟରେ କାରଟିକୁ ଅଟକାଇବାରେ ସଫଳ ହୋଇଥିଲା । ସେଠାରେ ଖଲ୍ଲିକୋଟ ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ ଓ ଭେଜିପୁଟ ଫାଣ୍ଡି ଅଧିକାରୀ ସୁଶାନ୍ତ କୁମାର ପ୍ରଧାନଙ୍କ ମିଳିତ ଉଦ୍ୟମରେ ଦୁଇ ଜଣକୁ ଗିରଫ କରିବା ସହ ଏକ କୁଇଣ୍ଟାଲରୁ ଉର୍ଦ୍ଧ ଗଞ୍ଜେଇ ଓ ତିନିଗୋଟି ମୋବାଇଲ ଜବତ କରି ଆଜି ଏହି ଦୁଇ ଜଣକୁ କୋର୍ଟ ଚାଲାଣ କରିଥିବା ଜଣାପଡିଛି ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା