ଢେଙ୍କାନାଳ (ସମୃଦ୍ଧ ଓଡିଶା) ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଢେଙ୍କାନାଳ ଶାଖା ପକ୍ଷରୁ ସ୍ଥାନୀୟ ଗୋପବନ୍ଧୁ ଟାଉନହଲଠାରେ ଜିଲ୍ଲା ସ୍ତରୀୟ ଯୁବ ମହୋତ୍ସବ ଅନୁଷ୍ଠିତ ହୋଇଯାଇଛି । ସ୍ୱାମୀ ବିବେକାନନ୍ଦ ଓ ନେତାଜୀ ସୁବାସ ଚନ୍ଦ୍ର ବୋଷଙ୍କ ଜୟନ୍ତୀ ଉପଲକ୍ଷେ ପ୍ରତି ବର୍ଷ ପରି ଏ ବର୍ଷ ମଧ୍ୟ ଅନୁଷ୍ଠିତ ହୋଇଯାଇଅଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡ. ଭବାନୀ ଶଙ୍କର ମିଶ୍ର ଯୋଗଦେଇ ବିଦ୍ୟାର୍ଥୀମାନଙ୍କର ଲକ୍ଷ୍ୟ ଓ ଆଦର୍ଶ ସମ୍ପର୍କର ଆଲୋକପାତ କରିବା ସହିତ ନେତାଜୀ ଓ ସ୍ୱାମୀ ବିବେକାନନ୍ଦଙ୍କ ଭଳି ଯୁବକମାନଙ୍କର ସମାଜର ଆବଶ୍ୟକତା ସମ୍ପର୍କରେ ଦିଗଦର୍ଶନ କରିଥିଲେ । ସମ୍ମାନିତ ଅତିଥି ପୂର୍ବତନ ନଗରପାଳ ନବୀନ ଦଳେଇ ଯୁବକମନାକର ଦେଶ ପରିବର୍ତ୍ତନର ଭୂମିକା ସମ୍ପର୍କରେ କହିବା ସହିତ ବିବେକାନନ୍ଦଙ୍କ ଜୀବନରେ ଆଦର୍ଶ କରିବାକୁ ଦର୍ଶାଇଥିଲେ । ଏବିଭିପିର ରାଜ୍ୟ ସମ୍ପାଦକ ଶଶିକାନ୍ତ ମିଶ୍ର ମୁଖ୍ୟ ବକ୍ତା ଭାବରେ ଯୋଗଦେଇ ଦେଶରେ ଦେଖା ଦେଇଥିବା ବୈଦ୍ଧିକ ଆଦର୍ଶ ସମ୍ବଦ୍ଧରେ ଯୁବଶକ୍ତିକୁ ସତର୍କ ହେବା ସହିତ ରାଷ୍ଟ୍ରକୁ ପରମ ବୈଭବଶାଳୀ କରିବା ପାଇଁ ଆହ୍ଵାନ ଦେଇଥିଲେ । ଜିଲ୍ଲା ସଂଯୋଜକ ବି. ସୂର୍ଯ୍ୟରୋଶନ ସ୍ୱାଗତ ଭାଷଣ କରିଥିଲେ ଓ ନଗର ସମ୍ପାଦକ ଅର୍ଜିତ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଯୁବ ମୋହତ୍ସବ ପକ୍ଷରୁ ହୋଇଥିବା ପ୍ରତିଯୋଗିତାର ଉତ୍ତିର୍ଣ୍ଣ ହୋଇଥିବା ପ୍ରତିଯୋଗୀମାନଙ୍କୁ ମାନପତ୍ର ଓ ପୁରସ୍କାର ପ୍ରଦାନ କରାଯାଇଥିଲା । ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ରିପୋର୍ଟ : ଶୁଭମ କୁମାର ପାଣି