ଗୋପାଳପୁର (ସମୃଦ୍ଧ ଓଡିଶା) ଗୋପାଳପୁର ନିର୍ବାଚନ ମଣ୍ଡଳୀ କଂଗ୍ରେସ କମିଟି ପକ୍ଷରୁ ଜିଲ୍ଲା ସାଧାରଣ ସମ୍ପାଦକ ଏସ. ଧର୍ମରାଜ ରେଡ୍ଡୀଙ୍କ ନେତୃତ୍ୱରେ ଏକ କ୍ୟାଣ୍ଡେଲ ରାଲି କନିସି ସ୍ଥିତ ହନୁମାନ ମନ୍ଦିର ପ୍ରଙ୍ଗଣରୁ ବାହାର କରାଯାଇଥିଲା । ଶତାଧିକ କଂଗ୍ରେସ କର୍ମୀଙ୍କ ସହଯୋଗରେ ଜାତୀୟ ରାଜପଥରେ ଯାଇ ଜଗନ୍ନାଥ ମନ୍ଦିର ଠାରେ ପହଞ୍ଚିଥିଲେ । ଗୋକୁଳଚନ୍ଦ୍ର କର, ଧୀରେନ୍ଦ୍ର ପାତ୍ର, କେ. ମୋହନ ରେଡ୍ଡୀ, ହରିହର ପାତ୍ର, ସମ୍ବରୁ ରଣା, ଏସ. ମଧୁ, ଉମାକାନ୍ତ ସାସାମଲ, ସୁନୀଲ ସାହୁ, ନିରଞ୍ଜନ ନାୟକ, ସୁରଜିତ ଦଳାଇ, ବଳରାମ ପାତ୍ର, ଅଭିମନ୍ୟୁ ନାୟକ, ସୁଦର୍ଶନ ମହାରଣା, ସୁଧାକର ନାୟକ ପ୍ରମୁଖ ଶୋଭାଯାତ୍ରାରେ ସାମିଲ ହୋଇଥିଲେ । ରଙ୍ଗେଇଲୁଣ୍ଡା ପ୍ରେସ ବ୍ଲକ ପକ୍ଷରୁ ଅନୁରୂପ ଭାବେ ଏକ କ୍ୟାଣ୍ଡେଲ ରାଲି ଆୟୋଜନ କରାଯାଇଥିଲା । ଏଥିରେ ସମସ୍ତ ରାଜନୈତିକ ଦଳର ନେତାଙ୍କ ସମେତ ଜନସାଧାରଣ ପୋଲିସ, ପ୍ରଶାସନ କନିସି ଜଗନ୍ନାଥ ମନ୍ଦିରରେ ପହଞ୍ଚି ଯବାନଙ୍କ ସମ୍ମାନାର୍ଥେ ଦୁଇ ମିନିଟ ନିରବ ପ୍ରାର୍ଥନା କରିବା ସହ ମହମବତୀ ଜାଳି ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏଥିରେ ଗୋଳନ୍ଥରା ଥାନା ଅଧିକାରୀ ଡ଼. ଆଲୋକ ଜେନା, ସୁବାସ ମଣ୍ଡଳ, ଦଣ୍ଡ ପାଣିଗ୍ରାହୀ, ଡବ୍ଲ୍ୟୁ ବାଳକୃଷ୍ଣ, ଅନନ୍ତ ମହାନ୍ତି, ବୁଢା ସାହୁ, ସଞ୍ଜୟ ସାହୁ, ସାମ୍ବାଦିକ ରାଜୀବଲୋଚନ ମିଶ୍ର, ଉମା ସାହୁ, ଦିଲ୍ଲୀପ ସାହୁ, ବିଷ୍ଣୁ ପାତ୍ର, ଧର୍ମେନ୍ଦ୍ର ରାଉଳ, ସୁଦର୍ଶନ ରାଉଳ, ମହେନ୍ଦ୍ର ପାତ୍ର, ମୁନା ପଟ୍ଟନାୟକ, ଟୁଟୁ ମହାପାତ୍ରଙ୍କ ସମେତ ବହୁ ଅଞ୍ଚଳବାସୀ ଯୋଗ ଦେଇଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
