ଛତ୍ରପୁର (ସମୃଦ୍ଧ ଓଡିଶା) ଆଜି ସୃଜନ ସାହିତ୍ୟ ସଂସ୍କୃତି ସଂସଦ ପକ୍ଷରୁ ଛତ୍ରପୁର ସ୍ଥିତ ଓମେଗା ଶିକ୍ଷାନୁଷ୍ଠାନ ପରିସରରେ ଏଲ. ପ୍ରମୋଦ କୁମାର ପୃଷ୍ଟିଙ୍କ ବିୟୋଗରେ ସ୍ମୃତି ସଭା ଓ ନିରବ ପ୍ରାର୍ଥନା କରାଯାଇଥିଲା । ଏଲ. ପୃଷ୍ଟି ଏକାଧାରରେ କବି, ପ୍ରବଚକ ଓ ଭଜନାନନ୍ଦ ରୂପେ ପରିଚିତ ଥିଲେ । ସେ ଅନେକ କବିତା ସଂକଳନର ସଂପାଦନା କରିବା ସହ ତାଙ୍କରି ନିଜସ୍ୱ କବିତା ବିଭିନ୍ନ ପତ୍ର ପତ୍ରିକାରେ ପ୍ରକାଶିତ ଓ ଜନାଦୃତ ବୋଲି ସ୍ମୃତି ଚାରଣ ସଭାରେ ବକ୍ତାମାନେ ପ୍ରକାଶ କରିଥିଲେ । ଅନୁଷ୍ଠିତ ସ୍ମୃତି ସଭା ସୃଜନ ଅନୁଷ୍ଠାନର ସଭାପତି ଲକ୍ଷ୍ମଣ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏଥିରେ ସାମାଜିକ କର୍ମୀ ଅରୁଣ ଶତପଥୀ, ଅମୀୟ ଧଳ, ଚିନ୍ମୟ ଦାସ, ନିରଞ୍ଜନ ତ୍ରିପାଠୀ, ସୋମନାଥ ସାହୁ, ପ୍ରଫୁଲ ମହାପାତ୍ର, ସତ୍ୟନାରାୟଣ ରେଡ୍ଡୀ, ସୁଦ୍ଧାଞ୍ଜଳୀ ମିଶ୍ର, ମନ୍ମଥ କୁମାର ପାଢ଼ୀ, ଅଜିତ କୁମାର ସେଠି, ଦିଲ୍ଲୀପ ପଲାଇ, ଶରତ ମହାପାତ୍ର, ମାଧବ ମହାପାତ୍ର, ବଳରାମ ପଲେଇ, ବିଜୟ ରାଉଳ, ନିଗମ ଆଚାର୍ଯ୍ୟ, ଦୁର୍ଯ୍ୟଧନ ସେଠି ପ୍ରମୁଖ କବି, ସାହିତ୍ୟିକ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା