ବ୍ରହ୍ମପୁର (ସମୃଦ୍ଧ ଓଡିଶା) କରୋନା ସମୟରେ ନିଜ ଜୀବନକୁ ବାଜି ଲଗାଇ ଦିନ ରାତି ଏକ କରି ନିଜକୁ ସମ୍ପୂର୍ଣ୍ଣ ଭାବେ ଜନସାଧାରଣଙ୍କ ହିତ ପାଇଁ ନିଜ କାର୍ଯ୍ୟ କରୁଥିଲେ ପୋଲିସ କର୍ମଚାରୀ, ଡାକ୍ତର, ନର୍ସ, ଅଙ୍ଗନବାଡି କର୍ମୀ ଓ ବିଭିନ୍ନ ଯୋଦ୍ଧାମାନେ । ଏହି କୋଭିଡ ଯୋଦ୍ଧାମାନଙ୍କ ପାଇଁ ଆଜି ସମଗ୍ର ବିଶ୍ୱ ତଥା ଗଞ୍ଜାମ ଜିଲ୍ଲାରେ ସ୍ଵଳ୍ପ ମାତ୍ରରେ କରୋନା ସଂକ୍ରମନ ହ୍ରାସ ପାଇଥିଲା । ଏହି ପରିପ୍ରେକ୍ଷୀରେ ଆଜି ଜିଲ୍ଲା ଏସିପିଙ୍କୁ କରୋନା ଯୋଦ୍ଧା ଭାନେ ସମ୍ମାନିତ କରାଯାଇଛି । ସୂଚନା ଯେ, ଗଞ୍ଜାମ ଜିଲ୍ଲାର ଶ୍ରେଷ୍ଠ ପୋଲିସ ଅଫିସର ଭାବେ ଗଞ୍ଜାମ ଏସପି ବ୍ରିଜେଶ କୁମାର ରାୟଙ୍କୁ ସମ୍ବର୍ଦ୍ଧନା କଲେ ଗଞ୍ଜାମ ଜିଲ୍ଲା କୃମି କ୍ଷେତ୍ରୀୟ ସମାଜ । ସେହିପରି ୩ ଜଣ ଏଏସପି ଠାକୁର ପ୍ରସାଦ ପାତ୍ର, ବିଜୟ କୁମାର ମଲ୍ଲିକ ଓ ଅଶୋକ କୁମାର ମହାନ୍ତିଙ୍କୁ କରୋନା ଯୋଦ୍ଧା ସମ୍ମାନ ପ୍ରଦାନ କରାଗଲା । ଏହି ଅବସରରେ କୃମି ସମାଜର ସଭାପତି ଇଞ୍ଜିିନିୟର୍ ଅଭିମନ୍ୟୁ ପ୍ରଧାନ ଓ ସମାଜ ସେବୀ ରାକେଶ ପ୍ରଧାନ ଉପସ୍ଥିତ ଥିଲେ l ସମସ୍ତଙ୍କୁ ମାନପତ୍ର ଉପଢ଼ୌକନ ଓ ପୁଷ୍ପ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା ।
