ଚିକିଟି (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା କେ ନୂଆଗାଁ ଥାନା ଅନ୍ତର୍ଗତ ରତନେଶ୍ୱରୀ ମନ୍ଦିର ପାଖରେ ଥିବା କଳିଙ୍ଗ ଦୋଳା ବାହୁଦା ନଦୀରେ ଜଣେ ଯୁବକ ବୁଡି ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନା ଅନୁଯାୟୀ ପାତ୍ରପୁର ବ୍ଲକ ଗୁଡ଼ରା ଗ୍ରାମର ବାୟାଧର ନାୟକ(୨୫) ନିଜ ସଡୁ ଡାବରାସିଂକୁ ଯାଇ ଫେରିବା ବାଟରେ ବାହୁଦା ନଦୀକୁ ଶୌଚ କରିବା ପାଇଁ ନଦୀକୁ ଓହ୍ଲାଇ ଥିଲେ । ଫଳରେ ଯୁବକଙ୍କ ଗୋଡ଼ ଖସି ଯାଇଥିଲା ସେ ପାଣିରେ ବୁଡି ଯାଇଥିଲେ । ଖବର ପାଇ କେ ନୂଆଗାଁ ଥାନା ଭାରପ୍ରାପ୍ତ ଅଧିକାରୀ ଜ୍ଞାନ ରଞ୍ଜନ ସେଠି ଓ ଚିକିଟି ଦମକଳ ବାହିନୀ ସେଠାରେ ପହଞ୍ଚି ଯୁବକକୁ ଉଦ୍ଧାର କରି ଚିକିତ୍ସା ପାଇଁ ଚିକିଟି ମେଡିକାଲରେ ଭର୍ତ୍ତି କରିଥିଲେ । ସେଠାରେ ତାଙ୍କୁ ଡକ୍ଟର ମୃତ ଘୋଷଣା କରିଥିଲେ । ଏହାପରେ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
