ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ କାଙ୍କଡ଼ପାଳ ମୁଖ୍ୟ ରାସ୍ତାଟିର ଅବସ୍ଥା ଶୋଚନୀୟ ହୋଇପଡିଛି । ଏହି ବାଟ ଦେଇ ଦୈନିକ ଶହ ଶହ ଯାତ୍ରୀବାହୀ ସାଙ୍ଗକୁ ବହୁ ସ୍କୁଲ ଛାତ୍ରଛାତ୍ରୀ ଓ କଲେକ ଛାତ୍ରଛାତ୍ରୀ ଯିବା ଆସିବା କରୁଛନ୍ତି । କିନ୍ତୁ ଦୁଇ ବର୍ଷ ହେଲା ରାସ୍ତାର ଅବସ୍ତା ଏଭଳି ବିଗିଡି ଯାଇଥିବାରୁ ଯାତାୟତ କରିବା ବହୁ କଷ୍ଟକର ହୋଇପଡିଛି । ଏହିଭଳି ରାସ୍ତା ଯୋଗୁଁ ବହୁ ଦୁର୍ଘଟଣା ଘଟୁଛି । ଏହି ରାସ୍ତାଟି ପିୟୁସିର ହୋଇଥିଲେ ମଧ୍ୟ ପି.ଡବ୍ଲ୍ୟୁ.ଡିର କର୍ମକର୍ତ୍ତାଙ୍କୁ ଜଣାଇବା ସତ୍ତ୍ୱେ ରାସ୍ତାର ମରାମତି କରାଯାଉନଥିବା ଅଭିଯୋଗ ହୋଇଛି । ତେଣୁ ତୁରନ୍ତ ଏହାର କାର୍ଯ୍ୟାନୁଷ୍ଠାନ ଗ୍ରହଣ କରି ରାସ୍ତା ମରାମତି କରାଯାଉ ବୋଲି ଦାବି କରାଯାଇଛି ।
ରିପୋର୍ଟ : ଶୁଭମ କୁମାର ପାଣି