ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଗୋଷ୍ଠୀ ଶିକ୍ଷାଜିଲା ଅନ୍ତର୍ଗତ ସୁଗୋ ପଂଚାୟତର କାଶିଡିଆ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷକ ଶ୍ୟାମ କୁମାର କର ସଭାପତିତ୍ୱ କରିଥିଲେ । ମୁଖ୍ୟ ଅତିଥିଭାବେ ସମିତି ସଦସ୍ୟ ସଂଜୟ କୁମାର ମହାନ୍ତି ମୁଖ୍ୟ ବକ୍ତାଭାବେ ପ୍ରବୀଣ ଅଧ୍ୟାପକ ପ୍ରଣବ ନାୟକ ଓ ସମ୍ମାନିତ ଅତିଥିଭାବେ ଶିକ୍ଷକ ନେତା ପ୍ରଫୁଲ୍ଲ କୁମାର ମହାନ୍ତି, ସୁଶାନ୍ତ କୁମାର ଦାସ, ପ୍ରଦୀପ କୁମାର ପାଳ, କାର୍ତ୍ତିକ ଚନ୍ଦ୍ର ସାହୁ ଯୋଗଦେଇ ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ ବକ୍ତବ୍ୟ ରଖି ବଡ ମଣିଷ ହେବା ଠାରୁ ଭଲ ମଣିଷ ହେବାର ଆବଶ୍ୟକତା ଏବେ ଅଧିକ ବୋଲି ସେମାନେ କହିଥିଲେ । କେବଳ ଶିକ୍ଷା ନୁହେଁ ସଂସ୍କୃତି, ପରମ୍ପରା, ରାଷ୍ଟ୍ରପ୍ରିତୀ ପ୍ରତି ଗୁରୁତ୍ୱ ଦେଇ ଛାତ୍ରଛାତ୍ରୀମାନେ କର୍ତ୍ତୃବ ସାଧନ କଲେ ସଫଳତା ମିଳିପାରିବ ବୋଲି କହିଥିଲେ । ଶିକ୍ଷୟତ୍ରୀ ରୁବିବାଳା ରାଜ ଅତିଥିଙ୍କୁ ମଂଚ ଆହ୍ୱାନ କରିଥିବା ବେଳେ ସବିତା ରାଜ, ସଂଜିବ କୁମାର ସେନାପତି, ରଣଜିତ୍ ନନ୍ଦି, ମଂଚ ପରିଚାଳନା କରିଥିଲେ । ଛାତ୍ରଛାତ୍ରୀମାନେ ପ୍ରାରମ୍ଭିକ ସଂଗୀତ ଗାନ କରିଥିବା ବେଳେ ଅନୁରାଧା ଦାସ ଧନ୍ୟବାଦ ଅର୍ପଣ କରିଥିଲେ । ଦିନ ତମାମ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ବିଭିନ୍ନ କ୍ଷେତ୍ରରେ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା ।
ରିପୋର୍ଟ : ଭୂପତି କୁମାର ପରିଡା