କେନ୍ଦୁଝର (ସମୃଦ୍ଧ ଓଡିଶା) କେନ୍ଦୁଝର ଜିଲାପାଳଙ୍କ କାର୍ଯ୍ୟାଳୟ ପରିସରରେ ଥିବା ସାମ୍ବାଦିକ କକ୍ଷରେ କେନ୍ଦୁଝର ଜିଲ୍ଲା ପ୍ରେସ କ୍ଲବର ସାଧାରଣ ନିର୍ବାଚନ ସର୍ବସମ୍ମତୀ କ୍ରମେ ଅନୁଷ୍ଠିତ ହୋଇଯାଇଛି । ସାମ୍ବାଦିକ ପ୍ରଣୟ ପାଣିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସାଧାରଣ ବୈଠକରେ ଉପସ୍ଥିତ ସଦସ୍ୟ ମାନେ ସର୍ବସମ୍ମତୀ କ୍ରମେ କମିଟି ଗଠନ କରିବାକୁ ମତ ପ୍ରକାଶ ପାଇଥିଲା । ଏଥିରେ ସତ୍ୟନାରାୟଣ ମିଶ୍ର ସଭାପତି ଭାବେ ମନୋନୀତ ହୋଇଥିବା ବେଳେ ଦୀପକ ମିଶ୍ର କାର୍ଯ୍ୟକାରୀ ସଭାପତି, ରଞ୍ଜନ ତ୍ରିପାଠୀ ଓ ପ୍ରଦୀପ ମହାନ୍ତି ଉପସଭାପତି, ଜିତେନ୍ଦ୍ର ପଟ୍ଟନାୟକ ସଂପାଦକ, ମାନସ ରଞ୍ଜନ ତ୍ରିପାଠୀ ଓ ସନ୍ତୋଷ ମହାପାତ୍ର ଯୁଗ୍ମ ସଂପାଦକ, ଦେବାଶିଷ ମିଶ୍ର କୋଷାଧ୍ୟକ ଏବଂ ଅଭୟ ମହାନ୍ତି, ପ୍ରଣୟ ପାଣି, ଅକ୍ଷୟ ପାଢ଼ୀ, ନିର୍ମଳ ନାୟକ ଓ ବିଶ୍ୱରଞ୍ଜନ ସାହୁ କାର୍ଯ୍ୟକାରୀ ସଦସ୍ୟ ଭାବେ ମନୋନୀତ ହୋଇଥିଲେ। ଏହା ସହ ଅକ୍ଷୟ ପଟ୍ଟନାୟକ, ସୁଜିତ ପଟ୍ଟନାୟକ, ବିଭୁତି ପଟ୍ଟନାୟକ, ସୁରେଶ ପଟ୍ଟନାୟକ ଏବଂ ଏ .ଆର ଖାନ ଉପଦେଷ୍ଟା ମଣ୍ଡଳୀକୁ ନିର୍ବାଚିତ ହୋଇଥିଲେ । ବୈଠକ ପରେ ନିର୍ବାଚିତ କର୍ମକର୍ତ୍ତାଙ୍କୁ ସମସ୍ତ ସଦସ୍ୟ ଶୁଭେଚ୍ଛା ଜ୍ଞାପନ କରିଥିଲେ ।
