ପଶ୍ଚିମବାର୍ଡ (ସମୃଦ୍ଧ ଓଡିଶା) ପଶ୍ଚିମବଂଗରୁ ଓଡିଶା ଅଭିମୁଖେ ଯାଉଥିବା ଏକ କେମିକାଲ ବୋଝେଇ ଟ୍ୟାଙ୍କର ଡବ୍ଲୁବି୧୧ସି-୪୨୭୧ ଗତକାଲି ଭୋର ୪.୪୦ମି. ସମୟରେ ଭାରସାମ୍ୟ ହରାଇ ୬୦ନଂ ଜାତୀୟ ରାଜପଥର ଏକତାଳି ନିକଟରେ ରାସ୍ତାକଡ ଚାଷଜମିକୁ ଓଲଟି ପଡିଥିଲା । ଫଳରେ ସଂଗେ ସଂଗେ ଉକ୍ତସ୍ଥାନରେ ନିଆଁ ଲାଗି ଯାଇଥିଲା । ଅଗ୍ନି ନିକଟସ୍ଥ ଚାଷଜମିକୁ ବ୍ୟାପିଯାଉଥିବା ବେଳେ ଖବର ପାଇଁ ଅଗ୍ନିଶମ ଓ ସ୍ଥାନୀୟ ପୁଲିସ୍ ଘଟଣା ସ୍ଥଳରେ ପହଞ୍ଚ ନିଆଁକୁ ଆୟତ୍ତ କରିଥିଲେ । ଫଳରେ ବହୁ ଧନଜୀବନ ଅଳ୍ପକେ ବର୍ତ୍ତିୀଯାଇଥିଲା । ସୂଚନା ପାଇ ଜଳେଶ୍ୱର ବିଡିଓ ନିତ୍ୟାନନ୍ଦ ସାହୁ, ଅତିରିକ୍ତ ିହସିଲଦାର କ୍ଷୀରୋଦ କୁମାର ପଣ୍ଡା, ଜଳେଶ୍ୱର ଆଇ.ଆଇ.ସି ପ୍ରଦୀପ କୁମାର ମାଝୀ, ସଦର ଆର୍ଆଥ ମାନସ କୁମାର ବେହେରା ଓ ଖୁଆଡ ଆର୍ଆଇ ଦିଲ୍ଲିପ କୁମାର ଚାନ୍ଦ ପ୍ରମୁଖ ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଥିଲେ । ମାତ୍ର ଟ୍ୟାଙ୍କରର ଡ୍ରାଇଭର ଓ ହେଲପର ଘଟଣା ସ୍ଥଳରୁ ଫେରାର ଥିବା ଜଣାଯାଇଛି । ଆସନ୍ନ ଦୁର୍ଘଟଣାକୁ ଏଡାଇବା ପାଇଁ ଘଟଣାସ୍ଥଳରେ ପୁଲିସ୍ ମୁତୟନ କରାଯାଇଛି ।
ରିପୋର୍ଟ : ଭୂପତି କୁମାର ପରିଡା