ମୁମ୍ବାଇ : କେରଳରେ ବନ୍ୟାର ତାଣ୍ଡବ ପରେ ଏବେ କେରଳକୁ ପୁଣି ଥରେ ପୂର୍ବ ପରି ଗଢ଼ିବା ପାଇଁ ଲାଗି ପଡ଼ିଛି ସାରା ଦେଶ । ରାଜନେତାଙ୍କଠାରୁ ଆରମ୍ଭ କରି ଅଭିନେତା ପର୍ଯ୍ୟନ୍ତ ସମସ୍ତେ କିଛି ନା କିଛି ସହାୟତା ରାଶି ଦାନ କରି ଲୋକମାନଙ୍କୁ ସାହାଯ୍ୟ କରିଛନ୍ତି । ପୂର୍ବରୁ ବଲିଉଡ୍ର ବଡ଼ ବଡ଼ କଳାକାର ସଲମାନ ଖାନ୍, ଶାହରୁଖ୍ ଖାନ୍,ଅକ୍ଷୟ କୁମାରଙ୍କ ଭଳି କଳାକାରଙ୍କ ନାଁ ଆସି ସାରିଥିବା ବେଳେ ଏବେ ଆଉ ଜଣେ କଳାକାରଙ୍କ ନାଁ ଏଥିରେ ସାମିଲ ହୋଇଛି ।ଯାହାଙ୍କୁ ସାରା ଦେଶବାସୀ ୨୬ ସେକେଣ୍ଡ ମଧ୍ୟରେ ହିଁ ଭଲ ପାଇବା ଦେଇଥିଲେ । ତାଙ୍କ ୨୬ ସେକେଣ୍ଡର ଭିଡ଼ିଓ ପାଇଁ ସେ ପାଲଟି ଯାଇଥିଲେ ଇଣ୍ଟରନେଟ ସେନ୍ସେସନ୍ । ଆଜ୍ଞା ହଁ! ନ୍ୟାସ୍ନାଲ କ୍ରସ୍ ପ୍ରିୟା ପ୍ରକାଶ ମଧ୍ୟ କେରଳ ପ୍ରପୀଡ଼ିତଙ୍କୁ ଆର୍ଥିକ ସହାୟତା ଦେଇଥିବା ଜଣାପଡ଼ିଛି । ନିଜର ଆୟକୁ ଦେଖି ସେ ଏକ ଲକ୍ଷ ଟଙ୍କା ଦାନ କରିଥିବା ଜଣାପଡ଼ିଛି । ପ୍ରିୟାଙ୍କ ଏହି ପ୍ରୟାସ ପରେ ତାଙ୍କୁ ଲୋକମାନେ ପ୍ରଶଂସା କରିବା ଆରମ୍ଭ କରିଛନ୍ତି ।
