ନୂଆଦିଲ୍ଲୀ(ସମୃଦ୍ଧ ଓଡିଶା ) ୟୁପିଏ ସରକାରଙ୍କ ଅମଳରେ ଘଟିଥିବା ବହୁ ଚର୍ଚ୍ଚିତ କୋଇଲା ଦୁର୍ନୀତି ଘଟଣାରେ ଆଜି ଦିଲ୍ଲୀର ଏକ କୋର୍ଟ ପୂର୍ବତନ କୋଇଲା ସଚିବ ଏଚ୍ସି ଗୁପ୍ତାଙ୍କୁ ୩ ବର୍ଷ ଜେଲ୍ଦଣ୍ଡରେ ଦଣ୍ଡିତ କରିଥିଲେ। ଏଥିସହ ୫୦ ହଜାର ଟଙ୍କାର ଜୋରିମାନା ଦେବାକୁ ମଧ୍ୟ ନିର୍ଦ୍ଦେଶ ଦେଇଥିଲେ। କିନ୍ତୁ ଏହି ଦଣ୍ଡାଦେଶର ମାତ୍ର କିଛି ମିନିଟ୍ ପରେ ତାଙ୍କୁ ଜାମିନ୍ ମିଳି ଯାଇଛି। ଶ୍ରୀ ଗୁପ୍ତାଙ୍କ ସମେତ ଅନ୍ୟ ଦୁଇ ଅଧିକାରୀ କେଏସ୍ କୋରଫା ଓ କେସି ସମରିଆଙ୍କୁ ମଧ୍ୟ ଅନୁରୂପ ଦଣ୍ଡ ମିଳିଥିଲା। ହେଲେ ସମସ୍ତଙ୍କୁ ୪ ବର୍ଷରୁ କମ ଜେଲ୍ଦଣ୍ଡ ମିଳିଥିବା ବେଳେ ସାଙ୍ଗେ ସାଙ୍ଗେ ଜାମିନ୍ ମିଳିଯାଇଛି।ଅନ୍ୟପକ୍ଷରେ ସ୍ୱତନ୍ତ୍ର ବିଚାରପତି ଭାରତ ପ୍ରସାର ବିକାଶ ମେଟାଲ୍ସ ଓ ପାୱାର ଲିଃର ଏମ୍ଡି ବିକାଶ ପଟନି ଓ ଆନନ୍ଦ ମଲ୍ଲିକଙ୍କୁ ୪ ବର୍ଷ ଲେଖାଏ ଜେଲଦଣ୍ଡ ମିଳିଛି । ସେହିପରି ବିକାଶ ୨୫ ଲକ୍ଷ ଓ ଆନନ୍ଦ ୨ ଲକ୍ଷ ଟଙ୍କା ଲେଖାଏ ଫାଇନ୍ ଦେବେ ବୋଲି ବିଚାରପତି କହିଛନ୍ତି। କମ୍ପାନୀ ଉପରେ ୧ ଲକ୍ଷ ଟଙ୍କାର ଜୋରିମାନା ଲାଗୁ କରାଯାଇଛି।
ରିପୋର୍ଟ : ସୁଧାଂଶୁ ଶେଖର
